جاڭا تۋعان شاقالاقتى تاستاپ كەتكەن كامەلەتكە تولماعان انا بۇل ارەكەتى ءۇشىن ەندى جازاسىن وتەيدى.
الماتى قالالىق سوتىنىڭ مالىمەتىنشە، كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتا كامەلەتكە تولماعان سوتتالۋشى ك.-نىڭ ءوزىنىڭ جاڭا تۋعان بالاسىن ولتىرۋگە وقتالۋ (ق ر قىلمىستىق كودەكستىڭ 24-بابىنىڭ 3-بولىگى جانە 100-بابى) بويىنشا ءىس جابىق تارتىپپەن قارالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سوت ۇكىمىمەن كامەلەتكە تولماعان ك. كىنالى دەپ تانىلىپ، وعان 8 اي باس بوستاندىعىن شەكتەۋ تۇرىندەگى جازا تاعايىندالدى»،- دەدى قالالىق سوتتان.
ۇكىم زاڭدى كۇشىنە ەندى.
ەسكە سالايىق، 25 تامىزدا تۇندە قالانىڭ تۇركسىب اۋدانىندا جاڭا تۋعان نارەستەنى قۇتقارۋعا ارنالعان ارنايى ءىس-شارا ءوتتى. تۇركسىب اۋداندىق پوليسيا باسقارماسىنىڭ كامەلەتكە تولماعاندار ءىسى جونىندەگى ۋچاسكەلىك ينسپەكتورى نۇرجان شاتۋنوۆتىڭ ايتۋىنشا، ساعات ەكىدە كامەلەتكە تولماعان قىزدىڭ تۇسىك تاستاعانى تۋرالى حابار بەرىلگەن. پوليسەي دارەتحانا شۇڭقىرىنان شاقالاقتى الىپ شىقتى.
2022 جىلدىڭ قازان ايىندا دارىگەرلەر بالانىڭ جانساقتاۋ بولىمىندە 12 كۇن جاتقانىن جانە وسى ۋاقىت ىشىندە بارلىق قاجەتتى تەكسەرۋلەر جۇرگىزىلگەنىن ايتتى.
نارەستە بالالار ۇيىنە جىبەرىلدى.