بايقاۋعا 11 اجە قاتىستى
الماتىدا اق جاۋلىقتى اجەلەر بەسىك جىرىن ايتۋدان سىنعا ءتۇستى. بالالاردى قورعاۋ كۇنى مەرەكەسى اياسىندا وتكىزىلگەن ءىس-شارا قازاقتىڭ ادەت-عۇرىپتارىن دارىپتەيدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بايقاۋعا 11 اجە قاتىستى. ۇزدىك دەپ تانىلعاندار مەدەۋ اۋدانى اكىمدىگىنىڭ العىس حاتىمەن جانە باعالى سىيلىقتارمەن ماراپاتتالدى.
«بۇگىن– بالالاردى قورعاۋ كۇنى. بالانىڭ ەرتەڭىنە ۇمىتپەن قارايتىن ۇلتتىڭ ۇرپاعىمىز عوي. ءىس-شارانىڭ ماڭىزى زور»، – دەدى ق ر ءبىلىم بەرۋ ءىسىنىڭ ۇزدىگى جاقسىگۇل قالجانوۆا.
«قازىرگى جاس كەلىنشەكتەر اراسىندا بەسىك جىرىن ايتاتىندار ازايىپ كەتتى. بالام جاقسى قازاقى تاربيەمەن ءوسسىن دەگەن انالار ونى ۇمىتپاعانى ءجون. بۇگىنگى بالالار قورعاۋ كۇنى قۇتتى بولسىن. قازاقتىڭ داڭقىن كوتەرەتىن سابيلەر ەندى كەلەدى دەگەن ارمانىمىز بار»، – دەدى بالالار جازۋشىسى ماركيزا بازاربايەۆا.