الماتىدا ايەلدىڭ باسىن كەسىپ، بازارعا اپارىپ تاستاعان كۇدىكتىنى قاماۋدا ۇستاۋ مەرزىمى تاعى ءبىر ايعا ۇزارتىلدى.
بۇل تۋرالى Almaty-akshamy.kz قازاقپاراتقا سىلتەمە جاساي وتىرىپ حابارلايدى.
«الماتىنىڭ مامانداندىرىلعان اۋدانارالىق تەرگەۋ سوتىنىڭ 12 شىلدەدەگى اقپاراتى بويىنشا، سوتتىڭ قاۋلىسىمەن سوتقا دەيىنگى تەرگەۋ ورگانىنىڭ ءوتىنىشحاتى قاناعاتتاندىرىلدى جانە ي. ەسىمدى ەر ادامعا قاتىستى قاماۋدا ۇستاۋ مەرزىمىن 4 تامىزعا دەيىن ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى»،- دەپ حابارلادى الماتى قالالىق سوتتىڭ باسپا ءسوز قىزمەتى.
ەسكە سالايىق، 12 ءساۋىر ساعات 08:40-تە 102 پۋلتىنە شولوحوۆ كوشەسىندەگى قاراۋسىز قالعان عيماراتتىڭ جانىنان ايەلدىڭ ءمايىتى تابىلعان بولاتىن.
1976 جىلى تۋعان، تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعان ايەلدىڭ باسىن كەسىپ الىنعانى انىقتالدى.
ءبىراز ۋاقىتتان كەيىن سول ماڭداعى ساۋدا ورىندارىنىڭ بىرىنەن ءمايىتتىڭ باسى تابىلدى.
كەيىن 61 جاستاعى كۇدىكتى ەر ادام ۇستالىپ، سوت سانكسياسىمەن قاماۋعا الىندى.