كورمەگە قويىلعان جۇمىستار بەلگىلى ءبىر تاقىرىپ اياسىندا شەكتەلمەگەن
2022 جىلعى 19 مامىردا ءا.قاستەيەۆ اتىنداعى ءموم-نىڭ ورتالىق كورمە زالىندا «ادەمى الەم - ادەمى كوزدەرمەن» اتتى كورمەسىنىڭ اشىلۋ ءراسىمى وتەدى، دەپ حابارلايدى Almaty-akshamy.kz.
كىشكەنتاي بۇلدىرشىندەردىڭ (ەڭ كىشىسى 4 جاستا) شىنايى، كىرشىكسىز قيالدارىنان تۋعان جارقىن بوياۋلارعا تولى تىرناقالدى تۋىندىلارى، وي-اسەرلەرلەرى كورەرمەندەر جۇرەگىن تەز باۋراپ الارى ءسوزسىز.
جاس مولشەرىنىڭ كىشتايلىعىنا قاراماستان، ستۋديا تاربيەلەنۋشىلەرى ءارتۇرلى بەينەلەۋ ونەرى تەحنيكالارى بويىنشا: سۋ بوياۋى، گرافيكا، جىبەككە سۋرەت سالۋ، سازبالشىقپەن جۇمىس، گوبەلەن، كۆيللينگ جانە ت.ب. سياقتى كوپتەگەن جۇمىستاردى جاساۋدى ۇيرەندى.
كورمەگە قويىلعان جۇمىستار بەلگىلى ءبىر تاقىرىپ اياسىندا شەكتەلمەگەن. قاتىسۋشىلاردىڭ كوپشىلىگى ءۇشىن، بۇل كاسىبي كورمە كەڭىستىگىندەگى ءوز جۇمىستارىن كوپشىلىككە ۇسىنۋداعى العاشقى جانە وتە باعالى تاجريبە بولماق.
كورمە «سينيايا چەرەپاحا» بەينەلەۋ جانە ساندىك قولدانبالى ونەر ستۋدياسىنىڭ 20 جىلدىعىنا ارنالادى، وسى جىلدار ارالىعىندا ستۋديانى ءتامامداعان تۇلەكتەردىڭ ءبىرشاماسى بۇگىندە ونەر جولىنا تولىعىمەن بەت بۇرعان. ولاردىڭ كەيبىرى: لوندون ونەر ۋنيۆەرسيتەتى، لوندون ءسان كوللەدجى، گلوستەرشير ۋنيۆەرسيتەتى، ي.كانت اتىنداعى بالتىق فەدەرالدى ۋنيۆەرسيتەتى، ۆەنا قولدانبالى ونەر ۋنيۆەرسيتەتى، وڭتۇستىك كاليفورنيا ارحيتەكتۋرالىق ۋنيۆەرسيتەتى، ماسكەۋ ارحيتەكتۋرا اكادەمياسى، سانك-پەتەربۋرگ مەملەكەتتىك ارحيتەكتۋرا-قۇرىلىس ۋنيۆەرسيتەتى، جانە ت.ب. سىندى الەمنىڭ ءىرى جوو-دا بىلىمدەرىن ارى قاراي جالعاستىرعان.
2002 جىلدان باستاپ الماتىدا «سينيايا چەرەپاحا» ستۋدياسىنىڭ كورمەلەرى (ورتالىق كورمە زالىندا، «ۇلار» قازاقستان سۋرەتشىلەر وداعىنىڭ گالەرەياسىندا، الماتى قالاسى مۋزەيىندە) جىل سايىن كورەرمەندەر نازارىنا جول الادى. سونداي-اق، جاس سۋرەتشىلەر قايىرىمدىلىق كورمەلەرىنە دە بەلسەنە ات سالىسىپ وتىرادى.
«سينيايا چەرەپاحا» ستۋدياسىنىڭ تۇلەكتەرى حالىقارالىق بايقاۋلارعا قاتىسىپ جەڭىمپاز اتانعان جانە الەم بويىنشا كورمەلەرگە قاتىسىپ ءوز جۇمىستارىن كوپشىلىككە تانىتۋدا. «سينيايا چەرەپاحا» ستۋدياسىنىڭ 17 جاسار تۇلەگى لاال اۆگامبايەۆا «تمد-نىڭ ەڭ جاس ديزاينەرى» بولىپ رەسمي تۇردە مويىندالىپ، 18 جاسىندا توكيو، نيۋ-يورك، ۆانكۋۆەر، لوندون جانە پاريجدەگى ءسان اپتالىعىنا رەسمي شاقىرتۋ الدى.
كورمە كورەرمەن نازارىنا 19 مامىردان باستاپ جول تارتىپ، 2 ماۋسىمعا دەيىن جالعاساتىن بولادى.