جولدا اباي بولىڭىزدار!
الماتى پوليسياسى اۆتوكولىكتىڭ توبەسىنە ادام وتىرعىزىپ الىپ تاسىعان «Mercedes-Benz Gelenvagen» ماركالى ءاۆتوموبيلدىڭ جۇرگىزۋشىسىنە ايىپپۇل سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2021 جىلدىڭ 30 قاراشاسىندا الەۋمەتتىك جەلىلەردە ۇيالى تەلەفوننىڭ كامەراسىنا تۇسىرىلگەن، زاڭعا قارسى ارەكەتتەر تۋرالى جازبا جاريالاندى. ءتيىستى تەكسەرۋلەر جۇرگىزدىك. «Mercedes-Benz» ماركالى كولىك قۇرالىنىڭ جۇرگىزۋشىسى انىقتالدى. ول – 1987 جىلى تۋعان ەسپولوۆ ن.ا.ەسىمدى ازامات. ق ر اكiمشiلiك قۇقىق بۇزۋشىلىق تۋرالى كودەكستىڭ 593-بابى 1-تارماعى بويىنشا (جولاۋشىلاردى تاسىمالداۋ قاعيدالارىن ساقتاماۋ) جاۋاپقا تارتىلدى»، - دەپ جازدى الماتى پوليسيا دەپارتامەنتى باستىعىنىڭ ورىنباسارى رۋستام ءابدىراحمانوۆ Facebook پاراقشاسىندا.
بەينەجازبانىڭ ەكىنشى قاتىسۋشىسىنا قاتىستى تەكسەرۋ جالعاسۋدا.
«جولدا اباي بولىڭىزدار»، - دەدى پد باستىعىنىڭ ورىنباسارى.