الماتىدا ادام ولتىرمەك بولعاندار قولعا ءتۇستى

وقيعا وتكەن جازدا الماتىدا بولعان.

تەرگەۋ بارىسىندا قىلمىسكەردىڭ جابىرلەنۋشىگە ءتورت رەت وق اتقانى، ونىڭ ۇشەۋى نىساناعا تيگەنى بەلگىلى بولدى، دەپ حابارلايدى Almaty-akshamy.kz باس كولىك پروكۋراتۋراسىنا سىلتەمە جاساپ.

ۆەدوموستۆونىڭ مالىمەتىنشە، وقيعا وتكەن جازدا الماتىدا بولعان. اتىشۋلى ءىس بويىنشا جەتىسۋ كولىك پروكۋراتۋراسىنىڭ جەتەكشىلىگىمەن ۆەدومستۆوارالىق جەدەل تەرگەۋ توبى جۇمىس ىستەدى.

«كولىك پوليسەيلەرىمەن بىرلەسە جۇرگىزىلگەن ءىس-شارا ناتيجەسىندە ا. ەسىمدى ەر ادامنىڭ قىلمىسى اشكەرەلەنىپ، ۇستالدى. تەرگەۋ بارىسىندا قىلمىسكەردىڭ جابىرلەنۋشىگە ءتورت رەت وق اتقانى، ونىڭ ۇشەۋى نىساناعا تيگەنى بەلگىلى بولدى. قىلمىس دۇشپاندىقتان تۋىنداعان»، - دەدى قاداعالاۋ ورگانى.

بيىل بولعان سوت ۇكىمىمەن ازامات ا. 10 جىلعا باس بوستاندىعىنان ايىرىلدى.

مىلتىقتى جاسىرۋعا كومەكتەسكەن ازامات ك. شارتتى تۇردە 3 جىل 6 ايعا باس بوستاندىعىنان ايىرىلدى.

«مەملەكەتتىك ايىپتاۋشى اسا اۋىر قىلمىستىڭ ءىزىن جاسىرۋعا كومەكتەسكەن ادامعا جەڭىل جازا بەرىلگەنىنە كەلىسپەي، ۇكىمدى قايتا قاراۋ تۋرالى ءوتىنىش بەردى. اپەللياسيالىق سوت پروكۋروردىڭ ۇستانىمىن قولداپ، ازامات ك.-نى ناقتى باس بوستاندىعىنان ايىرۋ جازاسىنا كەستى»، - دەپ تولىقتىردى پروكۋراتۋرا.