33 ءتارتىپ بۇزۋشى: الماتىدا ءىرى كولەمدى قوقىستى دۇرىس ەمەس جەرلەردە ساقتاعانى ءۇشىن ايىپپۇل سالىنادى
الماتىدا «تازا قازاقستان» جالپى رەسپۋبليكالىق باعدارلاماسى اياسىندا ءتيىستى ەمەس جەرلەردە ءىرى كولەمدى قوقىستاردى دۇرىس تاستاماۋعا بايلانىستى اباتتاندىرۋ ەرەجەلەرىن بۇزۋشىلاردى انىقتاۋ بويىنشا جۇمىستار جانداندى، دەپ حابارلايدى aqshamnews.kz
سوڭعى اپتادا پوليسيا دەپارتامەنتىمەن بىرلەسكەن رەيدتەر بارىسىندا 33 زاڭ بۇزۋشى انىقتالدى، زاڭناماعا سايكەس ولارعا 20-دان 30 اەك-كە دەيىنگى سوماعا ايىپپۇل سالىندى.قالدىقتاردى دۇرىس جويماۋ قوعامدىق اۋماقتاردى لاستايدى، قوقىس شىعاراتىن كومپانيالاردىڭ جۇمىسىن قيىنداتادى جانە اۋلالاردىڭ سانيتارلىق جاعدايىن بۇزادى. قوقىس تاسيتىن كولىكتەر ۇلكەن كولەمدى قالدىقتار مەن قۇرىلىس قوقىستارىن شىعارا المايدى، سەبەبى بۇل ولاردىڭ پرەستەۋ جابدىقتارىن زاقىمداۋى مۇمكىن.
ەستەرىڭىزگە سالا كەتەيىك، الماتى قالاسىن اباتتاندىرۋ ەرەجەلەرىنە سايكەس كاسىپورىندار، مەكەمەلەر مەن جەكە تۇلعالار ءىرى كولەمدى قوقىستى ءوز بەتىنشە اكەتۋى نەمەسە قوقىس شىعاراتىن ۇيىمدارمەن اكەتۋ تۋرالى شارت جاساسۋى ءتيىس. جوندەۋدى جۇزەگە اسىراتىن نەمەسە ءىرى گاباريتتى قالدىقتاردى جيناعان تۇرعىندار قوقىستى اقىعا شىعارۋ ءۇشىن مامانداندىرىلعان ۇيىمدارعا جۇگىنۋگە نە ونى ىلە قالاسىندا ورنالاسقان پوليگوندارعا ءوز بەتىنشە جەتكىزۋگە ءتيىس (الماتى - وسكەمەن تاس جولى، 34/1 https://go.2gis.com/5wg4xn) جانە قاراساي (س. ايتەي، 144ء-شى ەسەپ توقسانى، 4690 https://2gis.kz/almaty/geo/70000001051600536) الماتى وبلىسىنىڭ اۋداندارىندا. ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 505-بابىنا سايكەس، اباتتاندىرۋ ەرەجەلەرىن بۇزۋ 20-دان 100 اەك-كە دەيىنگى مولشەردە ايىپپۇل سالۋعا اكەپ سوعادى.
2024-2025 جىلدارى سانيتارلىق جاعدايدى جاقسارتۋ ءۇشىن الماتى قالاسىندا 2000-نان استام جاڭا كومىلگەن كونتەينەرلەر ورناتۋ جوسپارلانۋدا. بۇل كونتەينەرلەر قوقىس جاشىكتەرى الىپ جاتقان اۋماقتاردى قىسقارتادى، جاعىمسىز يىستەردىڭ تارالۋىن بولدىرمايدى جانە جانۋارلاردىڭ قوقىستى شاشۋىن شەكتەيدى.