الماتىدا اباي داڭعىلىنىڭ قالا شەكاراسىنا دەيىنگى ۇزارعان بولىگىندەگى جول بويىندا جۇمىس اياقتالدى، دەپ حابارلايدى aqshamnews.kz
الماتىدا تۇرعىنداردىڭ قالا ىشىندەگى قوزعالىسىن ارتتىرۋ جانە الماتى اگلومەراسياسىن دامىتۋ ماقساتىندا راديالدى جولدار ۇزارتىلىپ جاتىر. بۇگىن اباي داڭعىلىنىڭ قالا شەكاراسىنا دەيىنگى ۇزارعان بولىگىندە قوزعالىس اشىلدى.
قالالىق موبيلدىلىك باسقارماسى سترويتەلنايا كوشەسىنەن قالا شەكاراسىنا دەيىنگى سوڭعى 600 مەترلىك جولدىڭ بويىنداعى جۇمىستى اياقتادى. قازىرگى ۋاقىتتا جولدىڭ ەكى جاعىندا جاياۋ جۇرگىنشىلەر جولى، ۆەلوجولدار، قوسىمشا جولدار جانە ىرگەلەس اۋماقتى كوركەيتۋ جۇمىستارى قولعا الىنعان.
ەستەرىڭىزگە سالا كەتەيىك، اباي داڭعىلىنىڭ ب.مومىش ۇلى كوشەسىنەن باستالاتىن ۇزارعان بولىگىنىڭ جالپى ۇزىندىعى 5،3 شاقىرىم. بۇل باعىتتا التى جولاقتى جول، قارعالى وزەنىندەگى كوپىر، ءاشىموۆ كوشەسىمەن قيىلىساتىن جولايىرىق، 6 جەرۇستى جاياۋ جۇرگىنشىلەر وتكەلى جانە 4 باعدارشام نىسانى سالىندى.
ايتا كەتەيىك، قازىرگى تاڭدا قالالىق موبيلدىلىك باسقارماسى موڭكە بي كوشەسىن ۇزارۋ جۇمىسىن اياقتاپ، رىسقۇلوۆ داڭعىلى، ساين كوشەسى، سولتۇستىك اينالما جولى جانە تىلەندييەۆ كوشەسىن ۇزارتۋ جۇمىستارى جالعاسىپ جاتىر.