الماتىدا اباي داڭعىلىن قالا شەكاراسىنا دەيىن ۇزارتۋ جۇمىستارىنا بايلانىستى كولىك قوزعالىسىنا ۋاقىتشا شەكتەۋلەر ەنگىزىلەدى، دەپ حابارلايدى aqshamnews.kz
اتاپ ايتقاندا، اسفالتوبەتون جامىلعىسىنىڭ جوعارعى قاباتىن توسەۋ جۇمىستارىنا بايلانىستى 20 مامىر كۇنى ساعات 23:00-دەن باستاپ 23 مامىر كۇنى ساعات 16:00-گە دەيىن اباي داڭعىلىنىڭ الاتاۋ كوشەسىنەن سترويتەلنايا كوشەسىنە دەيىنگى بولىگى بويىنشا كولىك قوزعالىسى شەكتەلەدى. اۋماقتى الاتاۋ كوشەسى ارقىلى سولتۇستىك جانە وڭتۇستىك باعىتتا اينالىپ وتۋگە بولادى.
سونىمەن قاتار، 22 مامىر ساعات 23:00-دەن 27 مامىر ساعات 16:00-گە دەيىن ق.مەدەۋبەكوۆ كوشەسى (كارەرنايا كوشەسى) قيىلىسىنداعى قوزعالىسقا شەكتەۋ قويىلادى. بۇل ۋچاسكەنى وڭتۇستىك جاقتان ۋ.قارامانوۆ، گرۋشوۆايا، ۆينوگرادوۆ كوشەلەرى ارقىلى، سونداي-اق، سترويتەلنايا كوشەسىمەن سولتۇستىك جانە وڭتۇستىك باعىتتا اينالىپ وتۋگە بولادى.
ەستەرىڭىزە سالا كەتەيىك، اباي داڭعىلىن قالا شەكاراسىنا دەيىن ۇزارتۋ جوباسى وسى جىلى تولىق اشىلادى دەپ جوسپارلانىپ وتىر. قازىرگى تاڭدا 600 مەترلىك سوڭعى بولىك بويىنشا جۇمىستار جۇرگىزىلىپ جاتىر. جالپى ۇزىندىعى – 5،3 كم.
ايتا كەتەيىك، قوزعالىستى شەكتەۋ تۋرالى بارلىق اقپارات @AlmatyJoly Telegram ارناسىندا، قالا اكىمدىگىنىڭ الەۋمەتتىك جەلىلەرىندە، سونىمەن بىرگە 2GIS جانە «ياندەكس.كارتالار» سەرۆيستەرىندە جاريالانعان.
