الماتىدا “ءجاسوسپىرىم جانە زاڭ” جەدەل-پروفيلاكتيكالىق ءىس-شاراسى اياسىندا بالالارىنىڭ تۇنگى ۋاقىتتا سىرتتا جۇرگەنى ءۇشىن 89 اتا-انا اكىمشىلىك جاۋاپكەرشىلىككە تارتىلدى، دەپ حابارلايدى aqshamnews.kz
الماتى قالالىق پد يۋۆەنالدى پوليسيا ءبولىمىنىڭ باستىعى جاننا شونجانوۆانىڭ ايتۋىنشا، ءىس-شارانىڭ العاشقى ەكى كۇنىندە 128 ءجاسوسپىرىم پوليسيا بولىمىنە جەتكىزىلدى، ولاردىڭ 89-ى تۇنگى ۋاقىتتا زاڭدى وكىلدەرىنسىز كوشەدە جۇرگەن. سونداي-اق، قاراۋسىز قالعان 14 بالا كامەلەتكە تولماعانداردى بەيىمدەۋ ورتالىعىنا ورنالاستىرىلدى.
بۇدان بولەك:
- 14 ءجاسوسپىرىم قۇقىق بۇزۋشى،
- 16 تۇرمىسى ناشار وتباسى انىقتالىپ، ىشكى ىستەر ورگاندارىنىڭ ەسەبىنە الىندى.
قۇقىق بۇزۋشىلىقتىڭ الدىن الۋ ماقساتىندا قالانىڭ ءبىلىم بەرۋ ۇيىمدارىندا 98 ءدارىس پەن سەمينار وتكىزىلدى. الماتى پوليسياسى "مۇلدەم توزبەۋشىلىك" قاعيداتى نەگىزىندە جاسوسپىرىمدەر اراسىنداعى قۇقىق بۇزۋشىلىقتاردى قاتاڭ باقىلاۋعا العانىن مالىمدەدى.