الماتى قالاسىندا 2024 جىلى جاستاردى جۇمىسپەن قامتۋ جانە ولاردىڭ الەۋمەتتەندىرىلۋىنە باعىتتالعان ءبىرقاتار ءتيىمدى باعدارلامالار جۇزەگە اسىرىلدى. قالادا 69،3 مىڭ جاس تۇراقتى جانە ۋاقىتشا جۇمىس ورىندارىنا ورنالاستىرىلىپ، جۇمىسقا ورنالاستىرۋ شارالارىنىڭ ناتيجەسىندە جاستاردىڭ الەۋمەتتىك جاعدايى جاقساردى. بۇل تۋرالى وڭىرلىك كوممۋنيكاسيالار قىزمەتىندە بريفينگىندە الماتى قالاسى جاستار ساياساتى باسقارماسىنىڭ وكىلدەرى حابارلادى.
بۇل رەتتە جوعارى وقۋ ورىندارى، كوللەدجدەر مەن جۇمىس بەرۋشىلەردى بىرىكتىرگەن قالالىق مانساپ ورتالىعىنىڭ شەشۋشى ءرولى جوعارى. ىسكە قوسىلعاننان بەرى، ورتالىققا – 5 مىڭنان استام جاس ءوتىنىش ءبىلدىرىپ، 4 مىڭى جۇمىسقا ورنالاستىرىلدى.
سونىمەن قاتار، 2024 جىلى قالالىق مانساپ ورتالىعىنىڭ ينكليۋزيۆتى باعدارلاماسى ارقىلى 10-نان استام مۇمكىندىگى شەكتەۋلى جاندار جۇمىسقا ورنالاستى. باعدارلاما ەڭبەك نارىعىندا ەرەكشە قيىندىقتارعا تاپ بولعان جاستار ءۇشىن تەڭ جاعداي جاساۋعا باعىتتالعان. قاتىسۋشىلار تۇيىندەمە جاساۋعا كومەك الادى، مامانداردىڭ كونسۋلتاسيالارىنان جانە جۇمىس بەرۋشى-سەرىكتەستەر ۇيىمداستىرعان وقىتۋدان وتەۋسىز نەگىزدە وتەدى.
كۋرستارعا سيفرلىق داعدىلاردى، كوممۋنيكاسيانى جانە باسقا دا سۇرانىسقا يە قۇزىرەتتەردى دامىتۋ كىرەدى. ورتالىقپەن ىنتىماقتاساتىن جۇمىس بەرۋشىلەر جۇمىس ورىندارىن ۇسىنىپ قانا قويماي، ولاردى قىزمەتكەرلەردىڭ قاجەتتىلىكتەرىنە بەيىمدەپ، قولايلى ەڭبەك جاعدايلارىن قامتاماسىز ەتەدى. جەكە ءتاسىل باعدارلامانىڭ ءاربىر قاتىسۋشىسىنا كاسىبي دامۋدىڭ ەڭ قولايلى باعىتىن تاڭداۋعا مۇمكىندىك بەرەدى.
«ينكليۋزيۆتى باستاما ەرەكشە قاجەتتىلىكتەرى بار جاستارعا جۇمىس تابۋعا عانا ەمەس، سونىمەن قاتار كاسىبي قوعامداستىققا قوسىلۋعا كومەكتەسەتىن تيىمدىلىكتىڭ جواعى ەكەنىن كورسەتەدى. الداعى ۋاقىتتا سەرىكتەستەر سانى مەن ءبىلىم بەرۋ مۇمكىندىكتەرىن ارتتىرۋ ەسەبىنەن باعدارلامانى كەڭەيتۋ جوسپارلانۋدا»، - دەپ اتاپ ءوتتى سپيكەر.
بۇگىندە قالالىق مانساپ ورتالىعى جاستار جۇمىسسىزدىعىنىڭ دەڭگەيىن تومەندەتۋ جانە جاس مامانداردىڭ كاسىبي ءوسۋىن قولداۋ ءۇشىن جۇمىس بەرۋشىلەرمەن بەلسەندى ىنتىماقتاستىقتى جالعاستىرۋدا. 300-دەن استام جۇمىس بەرۋشىلەرمەن سەرىكتەستىك جاسالدى، ولاردىڭ اراسىندا BI Group، LG، قازاقتەلەكوم، Invictus، Alina Group، Sulpak، لەرۋا مەرلەن جانە Magnum GO سياقتى ءىرى كومپانيالار بار.
سەرىكتەس جۇمىس بەرۋشىلەر ورتالىقتىڭ ءتۇرلى باستامالارىنا بەلسەندى قاتىسادى، سونىڭ ىشىندە شەبەرلىك سىنىپتارىن وتكىزۋ، ءبىلىم بەرۋ ءىس-شارالارىنا ارنالعان كەيستەردى ازىرلەۋگە قاتىسۋ جانە تاعىلىمدامالاردى ۇيىمداستىرۋعا جاردەمدەسۋ. بۇل كومپانيالار جاستارعا سۇرانىسقا يە داعدىلاردى يگەرۋگە، ەڭبەك نارىعىنىڭ زاماناۋي تالاپتارىمەن تانىسۋعا جانە پراكتيكالىق تاجىريبە الۋعا كومەكتەسەدى. مۇنداي ىنتىماقتاستىق وقۋ ورىندارى، جۇمىس بەرۋشىلەر مەن جاس ماماندار اراسىندا بەرىك كوپىر قالىپتاستىرىپ، تابىستى جۇمىسقا ورنالاسۋعا جاعداي جاسايدى.
«ءبىز جاستاردى قولداۋدىڭ كەشەندى جۇيەسىن قۇرىپ جاتىرمىز، وسىلايشا اركىم ەڭبەك نارىعىندا ءوز ورنىن تابا الادى. بۇل الماتىنىڭ دامۋ باعدارلاماسىنىڭ ماڭىزدى بولىگى»، - دەپ اتاپ ءوتتى بەككايروۆ.