الماتىدا بيىل 600 اۆتوبۋس ساتىپ الۋ جوسپارلاعان، ونىڭ 200ء-ى الاتاۋ اۋدانىنداعى 19 مارشرۋتتى جاڭارتۋعا باعىتتالادى. بۇل تۋرالى اۋدان اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى اlmaty-akshamy.kz.
جەكە تاسىمالداۋشىلار 4ء-شى توقسانعا دەيىن 73 اۆتوبۋس ساتىپ الادى. ولار 7 مارشرۋتتاعى (№18، №19، №46، №98، №99، №109، №122) جاڭارتۋدى جوسپارلاپ وتىر.
«ءبىزدىڭ الدىڭعى كەزدەسۋلەرىمىزدە سىزدەردىڭ وتىنىشتەرىڭىزدىڭ دەنى كەيبىر مارشرۋتتاردىڭ قولايسىزدىعى مەن جوسپارلانعان قوزعالىس ارالىعىنىڭ ساقتالماۋى سياقتى قوعامدىق كولىك جۇمىسىنىڭ ساپاسىنا قاتىستى بولدى. سوندىقتان ءبىز بۇل ماسەلەلەردى شەشىپ جاتىرمىز»، - دەدى اكىم.
قالا باسشىسى 2022 جىلى اكىمدىك 450 جاڭا اۆتوبۋس ساتىپ العانىن، ونىڭ 92ء-سى (20%) الاتاۋ اۋدانىنا بەرىلگەنىن حابارلادى.