سۋداعى جازاتايىم وقيعالاردىڭ الدىن الۋ ماقساتىندا قالادا رەيدتەر جۇرگىزىلەدى.
الماتى قالاسىنداعى 56 باسسەيندە بالالار سۋدا جۇزۋگە ۇيرەنەدى، دەپ حابارلايدى اlmaty-akshamy.kz.
الماتى قالالىق توتەنشە جاعدايلار دەپارتامەنتى ازاماتتىق قورعانىس باسقارماسىنىڭ اعا وفيسەرى ەسبول سۇلتانوۆتىڭ ايتۋىنشا، بالالار 3 اي بويى سۋدا جۇزۋگە ۇيرەنەدى.
«سونىمەن بىرگە قالانىڭ جالپى ءبىلىم بەرەتىن مەكتەپتەرىنىڭ 6 باسسەينىندە وقىتۋ جۇرەدى. جالپى، سۋعا ءتۇسۋ ماۋسىمى باستالعانعا دەيىن 6 مىڭ بالا سۋدا ءجۇزۋدى مەڭگەرەدى. بۇل پروفيلاكتيكالىق جۇمىستىڭ ناتيجەسىندە بالالاردا سۋدا ءوزىن ەركىن ۇستاۋ داعدىسى قالىپتاسادى»، - دەدى ەسبول سۇلتانوۆ.
تجد وفيسەرى قالا تۇرعىندارى مەن قوناقتارىنا سۋ ايدىندارىندا قاۋىپسىزدىك ەرەجەلەرىن قاتاڭ ساقتاۋدى، تىيىم سالىنعان جەرلەردە سۋعا تۇسپەۋگە شاقىردى.
مالىمەتتەر بويىنشا وتكەن جىلى سۋعا باتىپ جاتقان 17 ادام، ونىڭ ىشىندە 6 بالا قۇتقارىلدى.
«سۋداعى جازاتايىم وقيعالاردىڭ الدىن الۋ ماقساتىندا دەپارتامەنت مامىر ايىنا ارنالعان بىرلەسكەن رەيدتەردىڭ جوسپار-كەستەسىن بەكىتتى. رەيد بارىسىندا قوعامدىق ءتارتىپ پەن قاۋىپسىزدىك ەرەجەلەرىن بۇزۋشىلار جاۋاپقا تارتىلادى. مىسالى، وتكەن جىلى 63 ادام اكىمشىلىك جاۋاپقا تارتىلىپ، 790 مىڭ تەڭگە ايىپپۇل سالىندى. سونداي-اق سۋعا باتىپ جاتقان 17 ادام، ونىڭ ىشىندە 6 بالا قۇتقارىلعان بولاتىن»، - دەدى ەسبول سۇلتانوۆ.