الماتى قالاسى مەن الماتى وبلىسىن ەلەكتر قۋاتىمەن قامتاماسىز ەتۋدە زاماناۋي تەحنولوگيالاردى قولدانىسقا ەنگىزىپ وتىرعان «الاتاۋ جارىق كومپانياسى» اق قالا باعدارلاماسىنا سايكەس مەگاپوليستەگى ەلەكتر جەلىلەرى مەن شاعىن ستانسالاردىڭ باسىم بولىگىن قايتا جابدىقتاپ، جاراقتاندىرۋدا.
ىسكە قوسىلعان قوسالقى ستانسيالار جەلىلەردىڭ وتكىزۋ قابىلەتىن ارتتىرۋعا، ەلەكتر ەنەرگياسىن بەرۋ كەزىندەگى تەحنيكالىق شىعىنداردى جانە جەلىلەردەگى ۇزىلىستەر سانىن ازايتۋعا، قورشاعان ورتانى قورعاۋعا، سونداي-اق جاڭا تۇتىنۋشىلاردىڭ قوسىلۋىن قامتاماسىز ەتىپ، جەلىدەگى كەرنەۋ ساپاسىن ارتتىرۋعا مۇمكىندىك بەرەدى. جاڭا قوسالقى ستانسيالار شاعىن جانە ورتا بيزنەس سۋبەكتىلەرىن سەنىمدى جانە تۇراقتى تۇردە ەلەكترمەن جابدىقتاپ قانا قويماي، وڭىرگە قاجەتتى الەۋمەتتىك-مادەني ماڭىزى بار وبەكتىلەردى سالۋ مۇمكىندىگىن دە كەڭەيتۋدە. سالىنعان ەنەرگەتيكالىق نىساندا الەمدىك جەتەكشى وندىرۋشىلەردىڭ جوعارى ۆولتتى جابدىقتارى ورناتىلعان.
ينۆەستيسيالىق باعدارلاماعا سايكەس الماتى قالاسىندا جالپى ۇزىندىعى 150 شاقىرىمعا جۋىق كابەلدىك جەلىلەردىڭ قۇرىلىسىن، 85 ترانسفورماتورلىق قوسالقى ستانسالاردى قايتا جاڭعىرتۋ جۇمىستارى اياقتالدى. الماتى قالاسىنىڭ تاريحي ورتالىعى سانالاتىن اربات، ياعني جىبەك جولى داڭعىلىنىڭ بويىندا ورنالاسقان بەلگىلى دەمالىس جانە ساۋدا ورنىندا ۇلكەن جۇمىس اتقارىپ، جەر استىمەن جىبەرىلگەن كابەلدىك جەلىلەر اۋىستىرىلدى.
قالا اۋماعىندا ورنالاسقان 56 قوسالقى ستانسيانىڭ 37ء-سى جاڭعىرتىلىپ، الماتى وبلىسىنداعى وندىرىستىك ايماعى سانالاتىن كوكوزەك پەن قاينازار اۋىلدارىندا جاڭا قوسالقى ستانسيا سالىندى. سونىمەن قاتار وتەگەن باتىر، تالعار مەن قاراساي اۋداندارىندا قوسالقى ستانسيالاردى جاڭعىرتۋ جۇمىستارى جۇرگىزىلدى.
«الاتاۋ جارىق كومپانياسى» اق تەحنيكالىق جابدىقتارىنا دا ەرەكشە نازار اۋدارۋدا. اۆتوپاركتەگى كولىكتەر جوسپارعا سايكەس جىل سايىن جاڭارتىلسا، بيىل قازىرگى قولدانىستا جۇرگەن ەسكىرگەن اۆتوكولىكتەردىڭ 80-نەن استامىن جاڭارتىپ اپاتتى جاعدايلار كەزىندە ەنەرگەتيكتەردىڭ جۇمىس ىستەۋىنە قولايلى بولۋ ءۇشىن مودەرنيزاسيالانعان كولىكتەرمەن تولىقتى.
قويىلعان مىندەتتەردىڭ ورىندالۋى، جوعارى ۆولتتى ەلەكتر جەلىلەرىنەن، اۆتوماتتاندىرىلعان باسقارۋ جۇيەسى بار قوسالقى ستانسيالاردان، قۋاتتى ترانسفورماتورلاردان جانە ت.ب. زاماناۋي ەنەرگەتيكالىق ينفراقۇرىلىمدى پايدالانا وتىرىپ سالىنعان نىسانداردىڭ ارقاسىندا جۇزەگە اسۋدا. الايدا، قالانىڭ شەكاراسى جىل سايىن كەڭەيۋدە، ەلەكتر ەنەرگياسىن تۇتىنۋ كولەمى دە ايتارلىقتاي ارتۋدا. دەمەك، «الاتاۋ جارىق كومپانياسى» اق قىزمەتىنە ارتىلاتىن مىندەت جىل ساناپ وسۋدە. ءبىزدىڭ ماماندار وسى مىندەتتى قالتقىسىز ورىنداۋدا ايانباي ەڭبەك ەتۋدە.