الماتىداعى سۋپەرماركەتتەردىڭ، بازارلاردىڭ، سوسو-نىڭ، قوعامدىق تاماقتاندىرۋ مەن كاسىپورىنداردىڭ جۇمىسى تۋرالى اقپارات
2022 جىلعى 13 قاڭتارداعى جاعداي بويىنشا الماتى قالاسىندا 149 ءىرى جانە ورتا سۋپەرماركەتتەردىڭ 140-ى (94%) جۇمىس ىستەيدى. 31 ساۋدا وبەكتىسى زارداپ شەكتى، ونىڭ ىشىندە «ماگنۋم» - 19 (14 جويىلدى)، «تويمارت» - 11 (10 جويىلدى)، «ينتەرفۋد» - 1. ولار 14 قاڭتاردان باستاپ EsentaiGourmet، «گالمارت» اشۋدى جوسپارلاپ وتىر، دەپ حابارلايدى اlmaty-akshamy.kz
قالا بويىنشا 220 جانار-جاعارماي قۇيۋ بەكەتى بار، ونىڭ ىشىندە 168ء-ى اشىلدى (76،4%). بۇگىن 5 جەلىلىك ەمەس جەكە ججقب اشۋ جوسپارلانۋدا.
قالادا 93 ءىرى ساۋدا وبەكتىسى بار (سوسو، سو، ءتۇ). 13 قاڭتارداعى جاعداي بويىنشا، 14 سوسو («گلوبۋس»، «سپۋتنيك»، «ريتس پالاس»، «الما-اتا»، «گراند پارك»، «الماتى مولل»، «دوستىق پلازا»، «مەگا پارك»، «مەگا الما-اتا»، «اتاكەنتمولل»، «مارت»، «سيلكۋەي سيتي»، «الاتاۋ»، «ادك)، سونداي-اق 61 سو جانە ت.ب. جۇمىس ىستەي باستادى. 14 قاڭتاردان باستاپ «ەسەنتايمولل» سوسو جۇمىسىن باستاۋعا دايىن. «فورۋم» سوسو قالاداعى جاعداي تۇراقتانعاننان كەيىن كەلۋشىلەر ءۇشىن اشىق بولادى.
تج-دىڭ سوڭىنا دەيىن سپيرتتىك ىشىمدىكتەردى ساتپاي-اق 9.00-دەن 18.00-گە دەيىنگى رەجيمدە 2 مىڭعا جۋىق قوعامدىق تاماقتانۋ وبەكتىلەرى (65%) اشىلدى. بۇگىن (13 قاڭتار) 500-گە جۋىق قوعامدىق تاماقتانۋ نىساندارىن اشۋ جوسپارلانۋدا. قازىرگى ۋاقىتتا 39 قوعامدىق تاماقتانۋ وبەكتىلەرىنە زالال كەلتىرىلگەنى انىقتالدى.
بۇگىندە قالاداعى 120 كاسىپورىننىڭ 91ء-ى جۇمىس ىستەيدى. قالعاندارى 14-19 قاڭتار ارالىعىندا ىسكە قوسۋدى جوسپارلاپ وتىر.