«تۋريستىك اگەنتتىك 45 ملن تەڭگەگە الدادى»: الماتىلىقتار بەينەۇندەۋ جاريالادى.
زارداپ شەككەندەردىڭ ءبىرى ءىnstagram-داعى ءوز پاراقشاسىندا بەينەۇندەۋ جاريالادى. ونىڭ ايتۋىنشا، بيىل جازدا ولار شەتەلدە دەمالۋ ءۇشىن «Imagine Events» تۋريستىك كومپانياسىنا جۇگىنگەن. كومپانيا قىزمەتكەرلەرى كليەنتتەرگە تۇركيا، مالديۆ ارالدارى، چەرنوگوريا، مىسىر جانە باسقا دا باعىتتارعا تۋر ساتقان. الايدا بەلگىلەنگەن كۇنى ولاردىڭ ەشقايسىسى بيلەت الماعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، قازىرگە دەيىن 50 زارداپ شەگۋشى جينالعان. الدىن الا كەلتىرىلگەن شىعىن كولەمى 45 ميلليون تەڭگەدەن اسادى. ءبىراق بۇل كورسەتكىش ەكى ەسە كوپ بولۋى مۇمكىن.
الماتى پوليسيا دەپارتامەنتى زارداپ شەككەندەردىڭ ارىزى قابىلدانعانىن ءمالىم ەتتى.
«قىلمىستىق كودەكستىڭ 190-بابى 4-بولىگى («اسا ءىرى كولەمدەگى الاياقتىق») بويىنشا قىلمىستىق ءىستىڭ ماتەريالدارى وندىرىستە جاتىر. ءىستىڭ ءمان-جايىن انىقتاۋعا جانە بولاشاقتا كىنالىلەردى جاۋاپكەرشىلىككە تارتۋعا باعىتتالعان قاجەتتى جەدەل-ىزدەستىرۋ شارالارىنىڭ كەشەنى جۇرگىزىلۋدە»، - دەپ حابارلادى پوليسيادان.