الماتى قالاسى مەكتەپتەرىندەگى ورىن تاپشىلىعى مالەلەسىن شەشۋ ماقساتىندا، مەگاپوليستە ءبىلىم ورداسىن سالۋ قارقىندى ءجۇرىپ جاتىر. بيىل 1 قىركۇيەكتە الماتى قالاسىندا 17 مەكتەپ پايدالانۋعا بەرىلدى. ونىڭ ىشىندە 1500 ورىنعا ارنالعان 1 مەملەكەتتىك ءبىلىم ۇياسى («قايرات» ىقشام اۋدانى) جانە 3059 وقۋشىنى قامتيتىن 16 جەكە مەكتەپ بار. سونداي-اق جۇمىس ىستەپ تۇرعان 4029 ورىندىق 5 مەكتەپ بويىنشا قوسىمشا قۇرىلىستىڭ (№148، №48، №9، №101، №65 مەكتەپتەر بويىنشا) قۇرىلىسى اياقتالدى.
سونىڭ ءبىرى - №148 مەكتەپ-گيمنازياسىنىڭ عيماراتىندا 300 ورىندىق 3 قاباتتى قوسىمشا قۇرىلىستىڭ قۇرىلىسى اياقتالىپ، پايدالانۋعا بەرىلدى. مەكتەپ عيماراتىنىڭ قوسىمشا قۇرىلىسى 2022 جىلدىڭ قىركۇيەك ايىندا باستالىپ، بيىل قىركۇيەك ايىندا جوندەۋ جۇمىستارى تولىعىمەن اياقتالدى.
بۇگىنگى تاڭدا مەكتەپتە 2 066 بالا وقيدى.مەكتەپتىڭ جاڭا وقۋ عيماراتىندا وقۋ جانە مۋلتيمەديالىق كابينەتتەر، كيىم ىلەتىن جەر، فيزيكا-حيميا زەرتحاناسى، مەدياتەكا، وقۋ زالى، لوگوپەد جانە پسيحولوگ كابينەتى قاراستىرىلعان. سونىمەن قاتار، مەكتەپ اۋماعىندا جاڭا فۋتبول، باسكەتبول جانە ۆوركاۋت الاڭدارى ورناتىلعان.
سونىمەن قاتار 300 ورىندى قامتيتىن №65 مەكتەپ، 250 ورىنعا ارنالعان №48 مەكتەپ، 120 ورىنعا ارنالعان №9 مەكتەپ-ينتەرناتى جانە №101 مەكتەپتىڭ ءماجىلىس زالىنىڭ دا قوسىمشا قۇرىلىس جۇمىستارى ءساتتى اياقتالىپ، تولىعىمەن پايدالانۋعا بەرىلدى.
قوسىمشا قۇرىلىستىڭ سالىنۋى مەكتەپتەگى وقۋشى ورىندارىنىڭ تاپشىلىعىن ازايتۋعا كومەكتەسەدى. ءقازىر الماتىدا 215 مەملەكەتتىك مەكتەپ جۇمىس جاسايدى. وقۋشى ورنىنىڭ تاپشىلىعى 30 مىڭ ورىندى قۇرايدى. وسى ماقساتتا الداعى ۋاقىتتا تاعى 6 مەكتەپ عيماراتىنا (№195، №174، №58، №198، №99، №16 مەكتەپتەر بويىنشا) قوسىمشا قۇرىلىس جۇمىستارى باستالادى دەپ جوسپارلانۋدا.