الماتىدا جاڭا جەكەمەنشىك مەكتەپتىڭ قۇرىلىسى قارجىلاندىرىلدى
«الماتى» اكك» اق ەنشىلەس ۇيىمى، «Almaty Finance» ج ش س الماتى قالاسى ناۋرىزباي اۋدانىندا جەكەمەنشىك جالپى ءبىلىم بەرەتىن مەكتەپتىڭ قۇرىلىسىن قارجىلاندىردى6 دەپ حابارلايدى aqshamnews.kz.
قارىز الۋشى «Orken Education» ج ش س 200 ملن. تەڭگەگە ءوز قاراجاتى ەسەبىنەن قۇرىلىس ماتەريالدارىن ءىشىنارا ساتىپ الۋعا جانە كەيىننەن ءبىرىنشى قاباتتىڭ قۇرىلىسىنا جۇمسادى. ءوز كەزەگىندە، «Almaty Finance» ج ش س وقۋ ورنىنىڭ قۇرىلىسىن اياقتاۋعا جانە جابدىقتاۋعا 288 ملن.تەڭگە ءبولدى.
جوبانى قارجىلاندىرۋ «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى شەڭبەرىندە جۇزەگە اسىرىلۋدا. نەسيە بويىنشا سىياقى مولشەرلەمەسى جىلدىق 6%، قارجىلاندىرۋ مەرزىمى 5 جىلدى قۇرايدى. قۇرىلىستى اياقتاۋ 2025 جىلدىڭ جازىنا جوسپارلانعان. اشىلعاننان كەيىن جاڭا وقۋ ورنىنا ءبىر ۋاقىتتا 420 وقۋشى كەلە الادى.
«جاڭا مەكتەپتىڭ قۇرىلىسى ناۋرىزباي اۋدانىندا مەكتەپ ورىندارىنىڭ جەتىسپەۋشىلىگى ماسەلەسىن شەشۋگە مۇمكىندىك بەرەدى. جوبا سونداي-اق 50 جاڭا جۇمىس ورنىن قۇرۋدى كوزدەيدى. سونىمەن قاتار، جەكەمەنشىك مەكتەپتىڭ قىزمەتى ەسەبىنەن جەرگىلىكتى بيۋدجەتكە سالىق تۇسىمدەرى ۇلعايادى»، - دەدى «Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆ.