33 جاستاعى ەر ادام شيە سۇيەگىنەن ۋلانىپ، ءولىپ قالا جازدادى، دەپ حابارلايدى aqshamnews.kz
الماتى قالاسى قوعامدىق دەنساۋلىق ساقتاۋ باسقارماسىنىڭ مالىمەتىنشە، وقيعا الدىندا ەر ادام شيە سۇيەكتەرى بار ۇيدە دايىندالعان شاراپ ىشكەن. شاقىرتىلعان جەدەل جاردەم ونى بىردەن №7 قالالىق كلينيكالىق اۋرۋحاناعا جەتكىزىپ، ناۋقاستى رەانيماسيالىق بريگادا قارسى الدى.
"شيە سۇيەگى سينيل قىشقىلىن بولەدى"، – دەپ ءتۇسىندىردى №7 قالالىق كلينيكالىق اۋرۋحانانىڭ رەانيماتولوگ-دارىگەرى كلارا جارماعامبەتوۆا.
اۋرۋحانا باسپا ءسوز قىزمەتىنىڭ مالىمەتى بويىنشا، شيە سۇيەگىندە كەزدەسەتىن اميگدالين گليكوزيدى اسقازانعا تۇسكەندە، اسقازان ءسولى اسەرىنەن سينيل قىشقىلىنا اينالىپ، كۇشتى ۋعا اينالادى. ول ادامدى ۋلاپ، ءتىپتى ولىمگە اكەلۋى ىقتيمال. ۇيدە دايىندالعان تۇنبا نەمەسە شاراپتا سينيل قىشقىلىنىڭ مولشەرى ايتارلىقتاي جوعارى بولۋى مۇمكىن، سوندىقتان دارىگەرلەر شيە سۇيەگىن جۇتپاۋعا كەڭەس بەرەدى.