كۇدىكتى سورەلەردەن ۇيالى تەلەفون، قۇلاققاپ جانە باسقا دا كەرەك-جاراقتاردى ۇرلاعان
الماتىدا 32 جاستاعى اقمولالىق تەحنيكا دۇكەندەرىن توناپ كەتتى، دەپ حابارلايدى Almaty-akshamy.kz الماتى پد-نە سىلتەمە جاساپ.
جەدەل-ىزدەستىرۋ ءىس-شارالارىنىڭ ناتيجەسىندە پوليسيا قىزمەتكەرلەرى قىلمىس جاسادى دەگەن كۇدىكپەن اقمولا وبلىسىنىڭ تۇرعىنىن انىقتادى جانە ۇستادى.
«كۇدىكتىگە قاتىستى ق ر قك-نىڭ 188-بابى 3-بولىگىنىڭ 2-تارماعى بويىنشا سوتقا دەيىنگى تەرگەۋ باستالدى. ۇستالعان ازامات تەحنيكا دۇكەندەرىن ارالاپ ءجۇرىپ، سورەلەردەن ۇيالى تەلەفوندار، قۇلاققاپتار جانە باسقا دا كەرەك-جاراقتاردى ۇرلاپ، ولجانى كۇرتەشەگە نەمەسە ريۋكزاكقا سالىپ، قىلمىس بولعان جەردەن جاسىرىنىپ جۇرگەنى انىقتالدى. ءار جولى ەر ادام ءبىر تىزبەكپەن ارەكەت ەتتى. قازىرگى ۋاقىتتا تەرگەۋ ۇستالعان ازاماتتىڭ بوتەننىڭ مۇلكىن ۇرلاۋدىڭ 8 ەپيزودىنا قاتىسى بارىن دالەلدەدى»، – دەپ حابارلادى اۋەزوۆ اۋداندىق پب باستىعى ۇلان ءابىلحايىر.
بەلگىلى بولعانداي، قاسكۇنەم ۇرلانعان مۇلىكتى ساتىپ، ودان تۇسكەن اقشانى ءوز قاجەتتىلىكتەرىنە جۇمساعان. كۇدىكتى قاماۋعا الىندى.