2011 جىلدان كەيىن قالادا بىردە-بىر زيرات جابىلماعان.
الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋىندە اقپان ايىنىڭ سوڭىنا دەيىن قالادا 30 زيراتتى جابۋ جوسپارلانىپ وتىرعانىن ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
الماتى اكىمى ەربولات دوسايەۆ زيراتتاردى جابۋ جۇمىستارى وتكەن جىلدىڭ كۇزىندە باستالعانىن، كوپتەگەن قورىمدار ءتىپتى ەسەپكە الىنباعانىن ايتتى.
«ءبىز ءقازىر ولاردى قابىلداپ، تولۋىنا قاتىستى تەحنيكالىق باعا بەرۋىمىز كەرەك، سودان كەيىن جابۋ تۋرالى شەشىمدى دايىندايمىز»، - دەدى اكىم.
ونىڭ ايتۋىنشا، 2011 جىلدان كەيىن قالادا بىردە-بىر زيرات جابىلماعان.
الماتى اكىمىنىڭ ايتۋىنشا، ءقازىر قالاداعى زيراتتاردى قالا مەنشىگىنە الۋ ءۇشىن ونىڭ ولشەمدەرىن زەرتتەۋ جۇمىستارى جۇرگىزىلىپ، ەكى قاۋلى جوباسى دايىندالىپ جاتىر، اتالعان زيراتتار اقپان ايىنىڭ سوڭىنا دەيىن جابىلادى.
الماتى اكىمىنىڭ ورىنباسارى اسقار ءامريننىڭ سوزىنشە، قالادا بارلىعى 70 زيرات بار، ونىڭ 30-ىن جابۋ جوسپاردا.