ادەپتى ادام كەيپىنە ەنگەن الاياق زەينەتكەرلەردىڭ سەنىمىنە كىرىپ، قۇندى زاتتاردى قولدى ەتىپ كەلگەن
الماتىدا جەدەل ىزدەستىرۋ شارالارى بارىسىندا 30-دان اسا زەينەتكەردى توناعان 38 جاستاعى ەر ادام ۇستالدى، دەپ حابارلايدى Almaty-akshamy.kz
الماتى قالالىق پد باستىعىنىڭ ورىنباسارى رۋستام ءابدىراحمانوۆتىڭ مالىمەتىنشە، 1984 جىلى تۋعان ەر ادام قالانىڭ اۋەزوۆ، بوستاندىق جانە مەدەۋ اۋداندارىنىڭ اۋماعىندا قىلمىس جاساعان.
قىلمىسكەر تەك زەينەت جاسىنداعى ادامداردى توناعان - قوعامدىق ورىنداردا، اتاپ ايتقاندا، بازارلاردا، تۇرعىن ۇيلەردىڭ اۋلالارىندا. اۋىر سومكەلەر مەن ۇلكەن پاكەتتەر كوتەرىپ كەلە جاتقان ەگدە جاستاعى ادامداردى باقىلاپ، ادەپتى ادام سياقتى اسەر قالدىرعان ول اجەلەرمەن اڭگىمەگە كىرىسىپ، سومكەلەردى پاتەرگە جەتكىزۋگە كومەكتەسۋدى ۇسىنادى.
قارت ادامدار كەلىسەدى، كەيىن اقشا، ءاميان نەمەسە ۇيالى تەلەفونى ۇرلانعانىن انىقتايدى. «كومەك» كورسەتۋ كەزىندە قىلمىسكەر ول جەردەن بارلىق قۇندى زاتتى بايقاماي ۇرلاپ وتىرعان. بەلگىلى بولعانداي، ۇستالعان ەر ادام بۇرىن دا قىلمىس جاساعانى ءۇشىن سوتتى بولعان. كۇدىكتى ۋاقىتشا ۇستاۋ يزولياتورىنا قامالدى، – دەلىنگەن رۋستام ءابدىراحمانوۆتىڭ Instagram-داعى پاراقشاسىندا.