ەلىمىزدە شەتەلدىك كولىكتەردى زاڭداستىرۋ 23 قاڭتاردان باستالعان.
ءبىر كۇندە 125 كولىك قازاقستاندىق تىركەۋگە قويىلعان، دەپ حابارلايدى Almaty-akshamy.kz
"بۇگىنگى تاڭدا 3 مىڭعا جۋىق كولىك تىركەۋ راسىمىنەن ءوتتى. كەشەگى كۇنى عانا الماتىداعى ءتورت ارنايى حقكو-دا 125 كولىك قازاقستاندىق تىركەۋگە قويىلدى. ەكستەرريتوريالدىلىق قاعيداسى قولدانىلاتىنىن ايتىپ وتەيىك. الماتى قالاسىندا تىركەلگەن شەتەلدىك كولىكتەردىڭ جالپى سانىنان 880 كولىك 05 ايماقتىڭ (الماتى وبلىسى)، 475 - 08 ايماقتىڭ (جامبىل وبلىسى)، 73 - 19 ايماقتىڭ (جەتىسۋ وبلىسى)، 57 كولىك - 13 ايماقتىڭ (تۇركىستان وبلىسى) جانە ت.ب. ايماقتاردىڭ نومىرلەرىن الدى. بۇل جۇمىس مەملەكەت باسشىسىنىڭ 2022 جىلعى 1 قىركۇيەككە دەيىن قازاقستان رەسپۋبليكاسىنا اكەلىنەتىن شەتەلدىك اۆتوكولىكتەردى زاڭداستىرۋ تۋرالى تاپسىرماسىن ىسكە اسىرۋ اياسىندا جۇرگىزىلۋدە"، - دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.