2023 جىلى الماتىنىڭ تۋريستىك ايماقتارىندا قانداي كەمپينگ-ايماقتار، ۇيشىكتەر، ورىندىقتار مەن كوپىرلەر جاسالدى
الماتىدا اباتتاندىرۋ اياسىندا 2023 جىلى 3 كەمپينگ-ايماقتى (اق بۇلاق، ءۇاو جانە مىڭجىلقى) ورناتۋ جۇمىستارى اياقتالدى.ولارعا شاتىرلى ورىندار، جابىق ۇيشىكتەر، ورىندىقتارى بار ۇستەلدەر، ۇلتتىق ستيلدەگى اتكەنشەكتەر – «التىباقان» كىرەدى. بۇل تۋرالى الماتى قالاسى تۋريزم باسقارماسىنان «ورتالىق ازيا ەلدەرىندە ءتۋريزمدى دامىتۋ» تاقىرىبىنداعى باسپا ءسوز كونفەرەنسياسى اياسىندا حابارلادى.
«كىشى، ۇلكەن الماتى، پروحودنوە، بۋتاكوۆكا شاتقالدارى بويىنشا جۇمىستار اياقتالىپ، قارعالى شاتقالى بويىنشا جۇمىستار جۇرگىزىلۋدە. مارشرۋت بويى ناۆيگاسيالىق كورسەتكىشتەر، ستەندتەر، قالقاندار، باعانالار، ءتۇرلى - ءتۇستى يندەكستىك بەلگىلەر، بەسەدكالار (جىلتىراتىلعانداردى قوسا العاندا)، ورىندىقتار، دەمالۋعا ارنالعان پلاتفورمالار، كوپىرلەر مەن قورشاۋلار ورناتىلدى»، - دەپ اتاپ ءوتتى تۋريزم باسقارماسى.
