بەرەشەگى بارلار “بورىشكەر” ءىس-شاراسى بارىسىندا انىقتالدى.
بۇرىن حابارلانعانداي، الماتىدا سوت پەن سوت ورىنداۋشىلارىنىڭ قاۋلىسى بويىنشا سالىق بەرەشەگى جانە باسقا دا بەرەشەگى بار كولىكتەردى، سونداي-اق تولەنبەگەن اكىمشىلىك ايىپپۇلدارى بار كولىكتەردى انىقتاۋعا باعىتتالعان “بورىشكەر” رەسپۋبليكالىق جەدەل الدىن الۋ ءىس-شاراسى جالعاسىپ جاتىر. ءىس-شارا جەكە سوت ورىنداۋشىلارىنىڭ جانە مەملەكەتتىك كىرىستەر دەپارتامەنتى قىزمەتكەرلەرىنىڭ قاتىسۋىمەن جۇزەگە اسىرىلادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«الماتى جولدارىندا ءجااىش باستالعالى بەرى 244 كولىك توقتاتىلىپ، مامانداندىرىلعان ايىپپۇل تۇراعىنا ورنالاستىرىلدى. ولاردىڭ يەلەرىنىڭ سوت قاۋلىسى جانە سوت ورىنداۋشىلارى بويىنشا بەرەشەگى، سونداي-اق جالپى سوماسى 73 ملن تەڭگەدەن استام تولەنبەگەن اكىمشىلىك ايىپپۇلدارى بار. ماسەلەن، قالادا رەسەي فەدەراسياسىندا تىركەلگەن Toyota Camry اۆتوكولىگى ۇستالدى، ونىڭ جۇرگىزۋشىسى 4 ملن 574 مىڭ 700 تەڭگە سوماسىندا 132 اكىمشىلىك قۇقىق بۇزۋشىلىق جاساعان»، – دەپ اتاپ ءوتتى الماتى قالاسى پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
سونداي-اق كولىك قۇرالدارىن باسقارۋ قۇقىعى جوق 133 جۇرگىزۋشى، بۇرىن كولىك قۇرالىن باسقارۋ قۇقىعىنان ايىرىلعان 15 جۇرگىزۋشى جانە جالعان ءنومىر تاققان 13 جۇرگىزۋشى ۇستالدى