2026 جىلعا قاراي الماتى مەكتەپتەرىندەگى ورىن تاپشىلىعى قاجەتتى دەڭگەيگە دەيىن ازايادى
بۇل تۋرالى قالالىق ءماسليحاتتىڭ VI سەسسياسىندا الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى، دەپ حابارلايدى almaty-akshamy.kz
قالادا 320 601 وقۋشى وقيتىن 313 مەكتەپ جۇمىس ىستەيدى، ونىڭ ىشىندە 292 015 وقۋشى ءبىلىم الاتىن 214 مەملەكەتتىك مەكتەپ جانە 28 586 وقۋشىنى قامتىعان 99 جەكەمەنشىك مەكتەپ بار. جىل سايىن وقۋشىلار سانى دەموگرافيا مەن ىشكى كوشى-قون ەسەبىنەن ورتا ەسەپپەن 12-14 مىڭ بالاعا وسەدى.
«الماتىدا «جايلى مەكتەپ» ۇلتتىق جوباسى اياسىندا 37 100 ورىندىق 22 مەكتەپ سالۋ جوسپارلانعان. سونىمەن قاتار، 5570 ورىندىق 11 نىسان ىسكە قوسىلادى. 2026 جىلعا قاراي وقۋشى ورنىنىڭ تاپشىلىعى جىل سايىنعى ءوسىمدى ەسكەرە وتىرىپ، قاجەتتى دەڭگەيگە دەيىن ازايادى»، - دەدى ءلاززات جىلقىبايەۆا.