الماتىنىڭ ەنەرگەتيكا جانە سۋمەن جابدىقتاۋ باسقارماسىندا 2025 جىلعا ارنالعان جىلۋ جانە ەلەكترمەن جابدىقتاۋ ينفراقۇرىلىمىن جاڭعىرتۋ جوسپارلارى تۋرالى ايتىلدى، دەپ حابارلايدى aqshamnews.kz
2024 جىلى قالادا 20 كم جىلۋمەن جابدىقتاۋ جەلىلەرى، 220 كم ەلەكترمەن جابدىقتاۋ جەلىلەرى جاڭارتىلىپ، 85 قازاندىق قايتا قۇرىلدى. بۇل شارالار جىلۋ بەرۋ تيىمدىلىگىن ايتارلىقتاي ارتتىردى.
بيىل اۋقىمدى مىندەتتەر جوسپارلانعان. اتاپ ايتقاندا، 40 كم جىلۋمەن جابدىقتاۋ جەلىلەرىن جانە 240 كم ەلەكترمەن جابدىقتاۋ جەلىلەرىن جاڭعىرتۋ، سونداي-اق 21 قازاندىقتى قايتا جاڭارتۋ. قابىلداناتىن شارالار ينفراقۇرىلىمنىڭ توزۋىن ەداۋىر تومەندەتۋگە مۇمكىندىك بەرەدى.
2024-2025 جىلدارى جىلۋمەن جابدىقتاۋ جەلىلەرىنىڭ توزۋى 3،8%-عا تومەندەپ، 54،1% بولسا، ەلەكترمەن جابدىقتاۋ جەلىلەرىنىڭ توزۋى 1،7%-عا ازايىپ، 63،3%-عا جەتەدى.
ايتا كەتەيىك، الماتىدا قالا اكىمى ەربولات دوسايەۆتىڭ تاپسىرماسى اياسىندا جۇرگىزىلىپ جاتقان ينجەنەرلىك ينفراقۇرىلىمدى جاڭعىرتۋ اكىمدىك جۇمىسىنىڭ باسىم باعىتى بولىپ تابىلادى. قالا تۇرعىندارى ءۇشىن قولايلى جاعداي جاساۋعا باعىتتالعان ماڭىزدى قادامنىڭ ءبىرى – ينفراقۇرىلىمدى جاڭارتۋ ءۇشىن ءتيىمدى قارجى ءبولۋدى قامتاماسىز ەتەتىن ينۆەستيسيالىق باعدارلامالاردى قولدانۋ.