الماتىدا بوستاندىق اۋدانىنىڭ كوميۋنيتي ورتالىعىندا قازاقستاننىڭ بارلىق ايماقتارىنان كەلگەن جاستار ساياساتى باسقارما باسشىلارىنىڭ سلەتى ءوتتى.
ءىس-شاراعا الماتى قالاسى اكىمىنىڭ ورىنباسارى ارمان قىرىقبايەۆ، ق ر مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتىنىڭ ءتوراعاسى قايرات قامباروۆ، رەسپۋبليكا بويىنشا جاستار ساياساتى باسقارما باسشىلارى، جاستار رەسۋرستىق ورتالىقتارىنىڭ جەتەكشىلەرى، قالامىزدىڭ بەلسەندى جاستارى، ۇكىمەتتىك ەمەس ۇيىمداردىڭ ءتوراعالارى، جاستار كەڭەسىنىڭ مۇشەلەرى قاتىستى، دەپ حابارلايدى Almaty-akshamy.kz.
كەزدەسۋ بارىسىندا ارمان ورازباي ۇلى قالا اكىمدىگىنىڭ جاستارعا ارنالعان الەۋمەتتىك ينفراقۇرىلىم قۇرۋداعى جۇمىستارى تۋرالى توقتالىپ، اتاپ ءوتتى.
«الماتى تۇرعىندارىنىڭ شامامەن ۇشتەن ءبىرى نەمەسە 682 مىڭى 14 پەن 35 جاس ارالىعىنداعى جاستار. بۇل ءوز كەزەگىندە بىزدەن جاستاردى قالامىزدىڭ دامۋى ءۇشىن اتقارىلىپ جاتقان جۇمىستارعا بەلسەندى تارتۋدى، ولاردىڭ جايلى ءومىر ءسۇرۋى، جۇمىس ىستەۋى، بوس ۋاقىتىن ءتيىمدى وتكىزۋى ءۇشىن قولايلى جاعدايلار جاساۋدى تالاپ ەتەدى. وسى ورايدا ءبىز قالامىزدىڭ بارلىق اۋدانىندا NEET جاستاردى قولداۋ ءۇشىن 8 كوميۋنيتي ورتالىق اشتىق»، - دەدى قالا اكىمىنىڭ ورىنباسارى ارمان قىرىقبايەۆ.
ايماقتاردان كەلگەن قوناقتارعا كوميۋنيتي ورتالىقتاردىڭ جۇمىسىمەن الماتى قالاسىنىڭ جاستار ساياساتى باسقارماسىنىڭ باسشىسى قايىرجان مەڭدىعالييەۆ تانىستىردى.
«ءاربىر كوميۋنيتي ورتالىق كرەاتيۆتى قوعامدىق كەڭىستىكتى قۇرايدى. مۇندا جاستاردى قولداۋ ءۇشىن قاجەتتىنىڭ ءبارى ءبىر جەردە جيناقتالعان: بۇل ءارتۇرلى مەملەكەتتىك باعدارلامالار بويىنشا كەڭەس بەرۋ، پسيحولوگيالىق جانە زاڭگەرلىك كومەك، NEET جاستارىن قىسقا مەرزىمدى كۋرستار ارقىلى وزەكتى ماماندىقتارعا وقىتۋ جانە جۇمىسقا ورنالاستىرۋ»، - دەپ اتاپ ءوتتى قايىرجان مەڭدىعالييەۆ.
ايتا كەتەيىك، الماتى قالاسىن دامىتۋ باعدارلاماسى اياسىندا 2025 جىلعا دەيىن ءار اۋداندا ەكىدەن جالپى 16 جاستار كوميۋنيتي ورتالىعىن ىسكە قوسۋ جوسپارلانعان، ولاردىڭ 8ء-ى جۇمىسىن باستادى.
ءىس-شاراعا قاتىسقان قوناقتار بارلىق اۋداندارداعى كوميۋنيتي ورتالىقتاردا بولىپ، الماتى قالاسىنىڭ جاستار ساياساتانىڭ جۇمىسىنا جوعارى باعاسىن بەردى.
«جاستارعا قولداۋ كورسەتەتىن، قاجەتتىنىڭ بارلىعى ءبىر جەردە جيناقتاعان كوميۋنيتي ورتالىقتاردى كورىپ قۋانىپ وتىرمىن. مۇندا جاستاردى قولداۋ ءۇشىن بارلىق جاعداي جاسالىپ، ەڭ باستىسى بارلىق قىزمەت ءتۇرىن تەگىن الۋعا بولاتىنى، مەنى قۋانتتى. مەنىڭ ويىمشا بۇنداي فورماتتاعى ورتالىقتار تەك الماتىدا عانا ەمەس، ەلىمىزدىڭ بارلىق قالالارىندا بولۋ قاجەت»،- دەدى ءوز سوزىندە كوميتەت ءتوراعاسى قايرات قامباروۆ.
جاستار ساياساتىنىڭ باستى ماقساتى – ءاربىر جاس الماتىلىققا قوعامدا ءوز ورنىن تابۋعا كومەكتەسۋ. ال كوميۋنيتي ورتالىقتار جاستاردى الەۋمەتتەندىرۋدىڭ ماڭىزدى قۇرالى بولۋعا باعىتتالعان.