الماتى اكىمى ەربولات دوسايەۆ قازاقستان پرەزيدەنتى قاسىم - جومارت توقايەۆقا ەسەپ بەرۋ بارىسىندا الماتىدا مەگاپوليستە قوعامدىق كولىكتىڭ ەكولوگيالىق تۇرلەرىنە تولىق كوشۋى بويىنشا بەلسەندى جۇمىس جۇرگىزىلىپ جاتقانىن مالىمدەدى، دەپ حابرلايدى Almaty-akshamy.kz.
"2023 جىلى 1 430 بىرلىك ەكولوگيالىق كولىك جەتكىزىلەدى، ونىڭ ىشىندە جەرگىلىكتى بيۋدجەت ەسەبىنەن 600 اۆتوبۋس پەن 100 تروللەيبۋس. جەكە تاسىمالداۋشىلار 730 اۆتوبۋس، ونىڭ ىشىندە 30 ەلەكتروبۋس ساتىپ الاتىن بولادى. كەلەسى جىلدان باستاپ ديزەلدى اۆتوبۋستاردى ساتىپ الۋعا تىيىم سالىنادى"، - دەدى ەربولات دوسايەۆ.
اتالعان شارالار قوعامدىق كولىكتى ەكولوگيالاندىرۋ دەڭگەيىن اعىمداعى جىلدىڭ وزىندە-اق 60% - عا جانە 2025 جىلعا قاراي 100% - عا دەيىن جەتكىزۋگە مۇمكىندىك بەرەدى، دەپ تۇيىندەدى ءسوزىن الماتى اكىمى.