2024 جىلى الماتى قالاسىندا 2 ميلليون 420 مىڭ شارشى مەتر تۇرعىن ءۇي سالىندى. بۇل كورسەتكىش وتكەن جىلمەن سالىستىرعاندا ازداپ تومەندەگەنىمەن، قۇرىلىس قارقىنى جوعارى دەڭگەيدە ساقتالۋدا. بۇل تۋرالى Aqshamnews.kz سايتى حابارلايدى.
قالالىق جوسپارلاۋ جانە ۋربانيستيكا باسقارماسىنىڭ باسشىسى نۇرلان بورانبايەۆتىڭ ايتۋىنشا، بيىلعى جىلى 2،52 ملن شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر. ونىڭ ىشىندە:
🔹 435-436 مىڭ شارشى مەتر – جەكە تۇرعىن ءۇي قۇرىلىسى (يجس)؛
🔹 22 500 پاتەر – كوپقاباتتى تۇرعىن ۇيلەردە؛
🔹 1 500 ءۇي – جەكە سەكتوردا.
بۇل جاڭا باسپانالار 110 مىڭعا جۋىق تۇرعىندى قامتۋعا مۇمكىندىك بەرەدى. سونداي-اق، 3 050 وتباسى مەن جاس مامان باسپانامەن قامتىلادى. ونىڭ 2 000-ى – الەۋمەتتىك وسال توپتارعا، 1 050ء-ى – جۇمىس ىستەيتىن جاستارعا بەرىلەدى.
قالادا قۇرىلىس قارقىنى جوعارى بولعانىمەن، بىلىكتى ماماندارعا سۇرانىس ارتىپ كەلەدى. الماتينسكيي كوللەدج ارحيتەكتۋرى، ديزاينا ي ينجەنەريي جانە الماتى قۇرىلىس-تەحنيكالىق كوللەدجى وسى سالاعا قاجەتتى سلەسار، سانتەحنيك، دانەكەرلەۋشى، ەلەكترومونتاجشى، اعاش وڭدەۋ ماماندارى مەن جىلجىمايتىن مۇلىك باسقارۋ سالاسىنىڭ كادرلارىن دايارلاۋدا.
كوللەدجدەر قالاداعى ءىرى قۇرىلىس كومپانيالارىمەن تىعىز بايلانىستا جۇمىس ىستەپ، ستۋدەنتتەرگە وندىرىستىك تاجىريبەدەن وتۋگە مۇمكىندىك بەرەدى. بۇل الماتىنىڭ قۇرىلىس سالاسىنداعى كادر تاپشىلىعىن ازايتۋعا سەپتىگىن تيگىزىپ وتىر.