الماتى مۋزەيلەرى 2023 جىلى كىرۋ بيلەتتەرىن ساتۋدان 60 ميلليون تەڭگەدەن استام تابىس تاۋىپ، اعىمداعى جىلعا ارنالعان جوسپاردى 200% - عا اسىرا ورىندادى. بۇل تۋرالى مادەنيەت باسقارماسىنىڭ باسشىسى عاني مايلىبايەۆ مۋزەي ءىسىن دامىتۋ ماسەلەلەرى جونىندەگى كەڭەس بارىسىندا مالىمدەدى، دەپ حابارلايدى almaty-akshamy.kz
«ونەر سۇيەر قاۋىم ءۇشىن وتكەن جىلى 73 كورمە ۇيىمداستىرىلدى، وعان 125 230 ادام قاتىستى – بۇل 2022 جىلمەن سالىستىرعاندا ەكى ەسە كوپ. كەلۋ كەزىندە كىرۋ بيلەتىنىڭ باعاسى 250-دەن 5000 تەڭگەگە دەيىن وزگەرەتىنىن اتاپ وتەمىز. بالالار، زەينەتكەرلەر مەن ستۋدەنتتەر ءۇشىن جەڭىلدىكتەر قاراستىرىلعان»، - دەدى ول.
ونىڭ ايتۋىنشا، بيىل مۇراجاي ءىسىنىڭ وكىلدەرى بەلسەندى جانە جەمىستى جۇمىس جۇرگىزىپ، كوپتەگەن ولشەمدەر بويىنشا ۇزدىك ناتيجەلەر كورسەتتى. حالىقارالىق ۇيىمدارمەن 15 مەموراندۋمعا قول قويىلدى، ولاردىڭ بارلىعى سالانى ىلگەرىلەتۋگە جانە دامىتۋعا باعىتتالعان.
«ءبىزدىڭ كورمەلەر تەك قالا ىشىندە عانا ەمەس، وڭتۇستىك كورەيادا، يتاليادا جانە اۆستريادا دا ۇيىمداستىرىلدى. قالا باسشىلىعىنىڭ قولداۋىمەن بيىل مۇراجاي قىزمەتكەرلەرىنىڭ جالاقىسى 30% - عا كوتەرىلدى. مۋزەيلەرگە كەلۋشىلەر سانىنىڭ 2 ەسەگە ارتقانى قۋانتادى»، - دەدى عاني مايلىبايەۆ.
ايتا كەتەرلىگى، 2023 جىلى الماتى مۋزەي قىزمەتكەرلەرى 25 عىلىمي جانە عىلىمي-پراكتيكالىق كونفەرەنسيالارعا قاتىسىپ، فرانسيانىڭ جەتەكشى مزەيلەرىندە كاسىبي بىلىكتىلىكتى ارتتىرۋ كۋرستارىنان ءوتتى.
ەسكە سالساق، الماتى قالاسى اكىمدىگىنىڭ جانىندا 8 مۋزەي جۇمىس ىستەيدى، ولار: الماتى مۋزەيى، ىقىلاس اتىنداعى مۋزىكالىق حالىق اسپاپتار مۋزەيى، د. ا. قونايەۆ مۋزەيى، س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنى، ن. تىلەندييەۆتىڭ مەموريالدىق مۋزەيى، ءداستۇرلى مۋزىكانىڭ مۋلتيمەديالىق ورتالىعى، ا. بايتۇرسىن ۇلى ۇي-مۋزەيى، رايىمبەك باتىردىڭ مۋزەي كەشەنى.