الماتىدا سەيسميكالىق قاۋىپسىزدىكتى قامتاماسىز ەتۋ ماقساتىندا 2023 جىلى جەر سىلكىنىسى تۋرالى الدىن الا حابارلايتىن 28 سەيسموستانسيا ورناتىلدى، دەپ حابارلادى الماتى قالاسىنىڭ اكىمى ەربولات دوسايەۆ VIII شاقىرىلعان الماتى قالاسى ءماسليحاتىنىڭ كەزەكتەن تىس XII سەسسياسىندا.
ونىڭ ايتۋىنشا، تج تۋىنداعان كەزدە زارداپ شەككەن حالىقتى قابىلدايتىن 545 پۋنكت انىقتالدى.
«بيىل تامىزدا مەملەكەت باسشىسى الماتى قالاسىنىڭ عيماراتتارى مەن قۇرىلىستارىنىڭ سەيسميكالىق قاۋىپسىزدىگىن قامتاماسىز ەتۋ بويىنشا شارالار كەشەنىن قابىلداۋدى تاپسىردى. قازان ايىندا «قازقسعزي» اق جانە ق ر سەيسمولوگيا ينستيتۋتى سەيسمواۋديتتى باستاپ، سونىڭ اياسىندا 3500 نىسان تەكسەرىلدى»، - دەدى قالا باسشىسى.
بۇل جۇمىس كەلەسى جىلى دا جالعاسادى.