جىلدىڭ سوڭىنا قاراي ءبىرىڭعاي بەينەباقىلاۋ جۇيەسىن ىسكە قوسۋ كوزدەلىپ وتىر.
وڭىرلىك كوممۋنيكاسيالار قىزمەتىنىڭ الاڭىندا سويلەگەن الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ ينجەنەرلىك جەلىلەردى قىزمەتكە پيلوتتىق رەجيمدە قوسۋ جۇمىستارى ءقازىردىڭ وزىندە باستالعانىن ايتتى. العاشقى بولىپ «الماتى سۋ» مكك باستادى، دەپ حابارلادى Almaty-akshamy.kz.
«ءبىز بۇل تاجىريبەنى باسقا كاسىپورىندارعا كوشىرۋدى جوسپارلاپ وتىرمىز. قالالىقتار ءۇشىن بۇل وزگەرەدى. بۇرىن جەكە ۇيلەردىڭ تۇرعىندارى ءاربىر كوممۋنالدىق كاسىپورىنعا قاعاز تۇرىندە ءوتىنىش بەرۋى كەرەك بولسا، ەندى E-gov پورتالى نەمەسە اشىق پورتال ارقىلى جاي عانا دەرەكتەردى تولتىرىپ، بارلىق وتىنىشتەرىن رەتىمەن جىبەرۋگە مۇمكىندىك الادى. بارلىق قۇجاتتاردى كەرى تارتىپتە الۋعا. ءار مەكەن-جايعا بارىپ ءوتىنىش جازۋدىڭ قاجەتى جوق»، - دەپ ءتۇسىندىردى بايان قوڭىربايەۆ.
سونداي-اق، 2022 جىلدىڭ سوڭىنا قاراي ءبىرىڭعاي بەينەباقىلاۋ جۇيەسىن، كوممۋنالدىق قىزمەت كورسەتۋشىلەردىڭ تۇتىنۋشىلارمەن ءوزارا ارەكەتتەسۋ قىزمەتى «سەرۆيس»، ءبىرىڭعاي كەزەكشىلىك-ديسپەچەرلىك قىزمەت-112، ءبىرىڭعاي بايلانىس ورتالىعى 109، «Smar شامدار» مەن الماتى قالاسىنىڭ احۋالدىق ورتالىعىن ەنگىزۋدى جوسپارلانىپ وتىر.