23 قاراشا، سەنبى كۇنى الماتى قالاسىنىڭ الاتاۋ اۋدانىندا جەكە تۇرعىن ۇيلەردە ءورت قاۋىپسىزدىگىن قامتاماسىز ەتۋ بويىنشا «ءورتسىز ءومىر - ءقاۋىپسىز بولاشاق» اۋقىمدى پروفيلاكتيكالىق اكسياسى ءوتتى.
ءىس-شارا الماتى قالاسىنىڭ توتەنشە جاعدايلار دەپارتامەنتىمەن جانە وڭىرلىك كوممۋنيكاسيالار قىزمەتىمەن بىرلەسىپ وتكىزىلدى. اكسياعا ب ا ق وكىلدەرى، ەرىكتىلەر جانە گاز قىزمەتىنىڭ قىزمەتكەرلەرى قاتىستى، دەپ حابارلايدى aqshamnews.kz.
ءىس-شارا بارىسىندا تجد ماماندارى 2297 ءۇيدىڭ تۇرعىندارىن حاباردار ەتتى. كومىر جانە وتىنمەن جىلىتىلاتىن 16 مۇقتاج وتباسىلار ۇيىندە گاز ءيىسىن انىقتاۋ داچيكتەرى ورناتىلدى.
الماتى تجد باسشىسى نۇرلان اتىعايەۆ جەكە تۇرعىن ۇيلەردەگى قاۋىپسىزدىكتى ارتتىرۋ بويىنشا قابىلدانىپ جاتقان شارالار تۋرالى حابارلادى. كوپ بالالى وتباسىلاردى، زەينەتكەرلەر مەن مۇمكىندىگى شەكتەۋلى ازاماتتاردى قوسا العاندا، حالىقتىڭ الەۋمەتتىك وسال ساناتتارىنا ەرەكشە نازار اۋدارىلادى.
«2018 جىلدان باستاپ الماتىدا از قامتىلعان وتباسىلار ءۇشىن وتەۋسىز نەگىزدە 1500-گە جۋىق گاز ءيىسىن انىقتايتىن داچيگى ورناتىلدى. الايدا، كەيبىر تۇرعىندار ولاردى ءوشىرىپ تاستايدى، بۇل ۇلكەن ءقاۋىپ توندىرەدى. ءبىز ءتۇسىندىرۋ جۇمىستارىن جالعاستىرىپ، بارلىعىن ءورت قاۋىپسىزدىگى ەرەجەلەرىن ساقتاۋعا شاقىرامىز»، - دەپ اتاپ ءوتتى ن. اتىعايەۆ.
اۋدان اكىمدىكتەرى اتاۋلى كومەك ءۇشىن حالىقتىڭ الەۋمەتتىك وسال توپتارىنا جاتاتىن 901 وتباسىن انىقتادى. وسى وتباسىلاردىڭ بارلىق 100% - ى پروفيلاكتيكامەن قامتىلعان، ونىڭ ىشىندە 102 وتباسى ۇيلەرىن قاتتى وتىنمەن جىلىتادى.
الاتاۋ اۋدانى اكىمدىگىنىڭ مالىمەتىنشە، دەمەۋشىلەر ءحاوت ءۇشىن 200 داچيك ساتىپ العان. داچيكتەردى ورناتۋ جۇمىستارى جالعاسۋدا.
«قاۋىپسىزدىك ءۇشىن — بىرگە»، «قومەك قولى» جانە «تازا ءتۇتىن مۇرجاسى» اكسيالارى اياسىندا 36 ۇيدە اتاۋلى ورت-پروفيلاكتيكالىق كومەك كورسەتىلدى. ۇيلەردە ءتۇتىن مۇرجالارىن تازالاۋ، جارىقشاقتاردى بىتەۋ، ءتۇتىن ارنالارى وتەتىن جەرلەردە قابىرعالاردى اكتەۋ جانە ىرگەلەس اۋماقتاردى تازالاۋ جۇمىستارى جۇرگىزىلدى. سونداي-اق، 41 ۇيدە گاز ءيىسىن انىقتايتىن داچيكتەر ورناتىلعان.
سونىمەن قاتار، مۇقتاج وتباسىلارعا جىلىتۋ ءۇشىن وتىن بەرۋ بويىنشا ءىس-شارالار ۇيىمداستىرىلدى.
كوپشىلىكتى قامتۋ ءۇشىن جۇمىسقا ەرىكتىلەر، گاز قىزمەتى، اۋدان اكىمدىگىنىڭ قىزمەتكەرلەرى مەن قوعام بەلسەندىلەرى جۇمىلدىرىلدى. تۇرعىندارعا تجد-نىڭ 8 ارنايى ماشيناسىنىڭ كومەگىمەن قوسىمشا اقپارات بەرىلدى، ولار تۇرعىنداردى جىلىتۋ ماۋسىمىندا ءورت قاۋىپسىزدىگى ەرەجەلەرىن ساقتاۋ قاجەتتىگى تۋرالى حاباردار ەتتى.
سونداي-اق، مەگاپوليستىڭ ءىرى ساۋدا ورتالىقتارىنىڭ بىرىندە تجد قوعامدىق قابىلداۋى جۇمىس ىستەدى، وندا بارلىق نيەت بىلدىرۋشىلەر ءورت قاۋىپسىزدىگى سالاسىندا وزدەرىن قىزىقتىرعان سۇراقتارىنا جاۋاپ الا الدى.