مەكەمە يەسىن كارانتيندىك تالاپتاردى ساقتاماعانى ءۇشىن اكىمشىلىك جاۋاپكەرشىلىككە تارتۋ بويىنشا ماتەريالدار جينالدى.
الماتى قالاسىنىڭ مونيتورينگ توبى 1 شىلدە كۇنى ساعات 19.00-دە Baq Saray مەيرامحاناسىندا وتەتىن ۇيلەنۋ تويىن توقتاتتى، دەپ حابارلايدى Almaty-akshamy.kz.
ەسكە سالساق، بەلگىلەنگەن كارانتيندىك شەكتەۋلەرگە بايلانىستى تويلار مەن بۇقارالىق ءىس-شارالاردى وتكىزۋ تىيىم سالىنعان.
مونيترينگ توبى شەكتەۋ شارالارىنىڭ بۇزىلۋىن ۆيدەوعا تۇسىرگەن. وندا 200-گە جۋىق قوناق جينالعانىن انىقتالدى.
مەكەمە يەسىن كارانتيندىك تالاپتاردى ساقتاماعانى ءۇشىن اكىمشىلىك جاۋاپكەرشىلىككە تارتۋ بويىنشا ماتەريالدار جينالدى.
قوناقتاردان كەشتى توقتاتۋدى سۇرالدى جانە ولارعا كوروناۆيرۋستىڭ ەرەكشە ءقاۋىپتى «دەلتا» شتاممىنىڭ اينالىمى تۋرالى ەسكەرتىلدى. وسىنداي سالتاناتتى شارالار جۇقتىرعاندار سانىنىڭ كوبەيۋىنە اكەلۋدە.
سونداي-اق، كەلەسى كۇنى تەكسەرۋشىلەر تاعى دا ءبىر شارانى انىقتادى. رەستاۆراتوردىڭ جۇيەلى بۇزۋشىلىقتارى ءۇشىن قىزمەتتى توقتاتا تۇرۋعا دەيىن قاتاڭ جازا كۇتۋى مۇمكىن. بۇل شەشىم اكىمشىلىك سوتتا قارالادى.
قوعامدىق دەنساۋلىق باسقارماسى ينفەكسيانىڭ جاڭا جاعدايلارىن ەسەپتەۋدە. مىسالى، 1 شىلدەدە الماتىدا كوروناۆيرۋس ينفەكسياسىنىڭ 353 جاعدايى تىركەلدى. ينفەكسيالىق ستاسيونارلاردا 771 ادام جاتىر، ونىڭ 54ء-ى كامەلەت جاسقا تولماعاندار.
الماتى قالاسىنىڭ اكىمدىگى قالا تۇرعىندارىن سانيتارلىق نورمالاردى قاتاڭ ساقتاۋعا شاقىرادى. قالادا ىندەتتىڭ تارالۋ قارقىنى كۇن سايىن ارتىپ كەلەدى. حالىق بۇقارالىق ءىس-شارالاردى ۇيىمداستىرۋدان جانە وعان قاتىسۋدان باس تارتقاندارى ءجون.