الماتىدا قوجانوۆ جانە ەسقارايەۆ كوشەلەرىنىڭ بويىندا 48 جىل بۇرىن پايدالانۋعا ەنگىزىلگەن قۇبىرجول اۋىستىرىلدى
الماتىدا قوجانوۆ كوشەسىنىڭ بويىمەن رادوستوۆەس كوشەسىنەن باستاپ ە. سەركەبايەۆ داڭعىلىنا دەيىن جانە ەسقارايەۆ كوشەسىنىڭ بويىمەن روزىباكييەۆ كوشەسىنەن باستاپ ە. سەركەبايەۆ داڭعىلىنا دەيىن توسەلگەن قۇبىرجولدى اۋىستىرۋ جۇمىستارى اياقتالدى. اعىمداعى جىلى جاڭعىرتىلعان ۋچاسكەنىڭ ۇزاقتىعى 1 097،5 مەتردى قۇرادى.
اۋىستىرىلعان قۇبىرجول 1976 جىلى پايدالانۋعا ەنگىزىلدى جانە قازىرگى ۋاقىتتا 19 كوپپاتەرلى تۇرعىن ۇيلەردى، 2 بالاباقشانى جانە باسقا دا 39 وبەكتىنى جىلۋمەن جانە ىستىق سۋمەن قامتاماسىز ەتىپ وتىر، سونداي-اق ىستىق سۋ بەرۋدىڭ ۇلەستىرىلۋىن قامتاماسىز ەتەدى جانە «وربيتا» مەن «يۋجنىي» قازاندىقتارىن بىر-بىرىمەن بايلانىستىرادى.
جالپى، اعىمداعى جىلى الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا 20 كم جىلۋ جەلىلەرى جاڭعىرتىلدى. جىل سايىن جاڭعىرتۋ جىلىتۋارالىق كەزەڭ ىشىندە جۇرگىزىلەدى، بيىلعى جىلى مۇنداي جۇمىستار الماتىنىڭ 6 اۋدانىندا ىسكە اسىرىلدى. جىلۋمەن جابدىقتاۋ جەلىلەرى جاڭعىرتىلعان ۋچاسكەلەردى اباتتاندىرۋ اۋا-رايى جاعدايلارىن ەسكەرە وتىرىپ، كەزەڭ-كەزەڭىمەن جۇرگىزىلۋدە.
ەستەرىڭىزگە سالا كەتەيىك، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، Telegram-ارنادا @AlmatyJoly، اۋداندىق اكىمدەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعان.