دەنساۋلىق ساقتاۋ مينيسترلىگى جاڭا جىلدىق مەرەكەلەر كەزىندە پيروتەحنيكادان زارداپ شەككەندەردىڭ ستاتيستيكاسىن جاريالادى، دەپ حابارلايدى aqshamnews.kz
ەلىمىز بويىنشا ءارتۇرلى جاراقات العان 63 ادام تىركەلدى، ونىڭ ىشىندە 20 بالا. ولاردىڭ 12ء-سى، سونىڭ ىشىندە 5 بالا اۋرۋحاناعا جاتقىزىلدى. ال 51 ناۋقاس امبۋلاتورلىق ەم قابىلداۋدا، ونىڭ ىشىندە 15 بالا بار.
ايماقتار بويىنشا جاراقات العاندار:
▪️ الماتىدا – 19 ادام؛
▪️ جامبىل وبلىسىندا – 11 ادام؛
▪️ قاراعاندى، ماڭعىستاۋ، قوستاناي وبلىستارى مەن شىمكەنتتە – 6 ادامنان؛
▪️ اقتوبە وبلىسىندا – 2 ادام؛
▪️ اقمولا، قىزىلوردا، اتىراۋ، شىعىس قازاقستان، باتىس قازاقستان، الماتى جانە اباي وبلىستارىندا – ءبىر-بىر جاعدايدان تىركەلگەن.
بارلىق زارداپ شەككەندەردە كوز جاراقاتتارى، كوزدىڭ قاساڭ قابىعىنىڭ كۇيىگى، قولدىڭ كۇيىگى مەن جاراقاتتارى انىقتالعان.
"ءبىر ناۋقاستىڭ قابىرعاسى جارالانعان. جاعدايى تۇراقتى، قازىرگى ۋاقىتتا ستاسيونارلىق ەم قابىلداۋدا"، – دەپ حابارلادى دەنساۋلىق ساقتاۋ مينيسترلىگى.