29 ءساۋىر كۇنى الماتىداعى ۇلتتىق كىتاپحانادا جازۋشى، «الاش» حالىقارالىق ادەبي سىيلىعىنىڭ يەگەرى جالعاسقالي دۇتماعانبەتوۆتىڭ «1812 جىل: سوعىس جانە بەيبىتشىلىك (قازاقى نۇسقا)» اتتى تريلوگياسىنىڭ تۇساۋكەسەرى وتەدى، دەپ حابارلايدى aqshamnews.kz.
شىعارمانىڭ باستى ەرەكشەلىگى — قازاق تاريحىندا كوپ ايتىلماي جۇرگەن تاقىرىپتاردىڭ ارحيۆتىك دەرەكتەر نەگىزىندە باياندالۋى. اۆتور ناپولەون اسكەرىن وكشەلەپ قۋعان ورىس اسكەرىنىڭ قۇرامىندا ەرلىكپەن شايقاسقان قازاق ساربازدارىنىڭ ەرلىگىن تاريحي شىنايىلىقپەن كورسەتەدى. بۇل سوعىسقا جازۋشىنىڭ ءوز بابالارى دا قاتىسقان. تريلوگيادا ولاردىڭ تاعدىرى تۋرالى دا كەڭىنەن ايتىلادى: سولاردىڭ ءبىرى فرانسيادان ميشەل ەسىمدى قىزدى الىپ كەلىپ، ۇرپاق وربىتكەن. بۇگىندە ولاردىڭ ۇرپاقتارى ءالى دە بويلارىنداعى فرانسۋز قانىمەن ەرەكشەلەنىپ كەلەدى.
كىتاپتا ارحيۆتىك قۇجاتتارمەن قوسا، تاريحي فوتوسۋرەتتەر دە بەرىلگەن، ونىڭ ىشىندە قۇلسارىداعى ميشەلدىڭ بەيىتىنىڭ سۋرەتى دە بار.
تريلوگيا العاش رەت قازاق تىلىندە جارىق كورىپ، كەيىن كاسىبي اۋدارماشىلاردىڭ كومەگىمەن ورىس، اعىلشىن جانە فرانسۋز تىلدەرىنە اۋدارىلدى. اۋدارما ساپاسىنا ەرەكشە كوڭىل بولگەن اۆتور ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ ماماندارىمەن تىعىز جۇمىس ىستەگەن.
«1812 جىل: سوعىس جانە بەيبىتشىلىك» تريلوگياسى شەكتەۋلى تارالىممەن «توعاناي ت» باسپاسىنان جارىق كورگەن.