بۇل جوباعا كوپبالالى انالار مەن مۇگەدەكتىگى بار جاندار قاتىسا الادى
الماتىدا 15 ادام 1 ميلليون 200 مىڭ تەڭگەنىڭ گرانتىن ۇتىپ العان. بۇل جوباعا كوپبالالى انالار مەن مۇگەدەكتىگى بار جاندار قاتىسا الادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
كوپ بالالى انا، ءارى مۇدەكتىگى بار ءسابيدىڭ اناسى ساۋلە شالامبايەۆا بۇگىندە كەپتىرىلگەن جەمىستەردى دايىنداپ، ءوز كاسىبىنىڭ ءناسىبىن كورىپ كەلەدى.
«ءبىزدىڭ تاپسىرىستار كوپ بولادى. وسى جاڭا جىلعا دايىندىق بولىپ جاتىر. ءقازىر ەكوماگازيندەرگە، دۇكەندەرگە، فيتنەس ورتالىقتارعا وتكىزەمىز»، – دەدى كوپبالالى انا ساۋلە شالامبايەۆا.
ايتا كەتەيىك، كەيىپكەرىمىز سەكىلدى كاسىپ باستايمىن دەگەن كوپبالالى جانە جالعىزباستى انالارعا مەملەكەت تاراپىنان ءبىرقاتار جەڭىلدىك قاراستىرىلعان. سەبەبى، مۇنداي بيزنەس ارقىلى جۇمىس پەن ءۇي شارۋالارىن قاتار الىپ جۇرۋگە بولادى. ال «باقىتتى وتباسى» ورتالىعىندا انالار تەگىن ءبىلىم الادى.
«بيزنەسىمدى اشام، تالپىنام دەگەن ازاماتتارعا قازىرگى تاڭدا وسى مەملەكەتتەن قايتارىمسىز گرانت بولىنەدى. ول 400 ايلىق ەسەپتىك كورسەتكىشتىڭ توڭىرەگىندە 1 ملن 200 مىڭ تەڭگە. پورتال ارقىلى enbek.kz سايتىندا وقىپ، گرانتقا قۇجات وتكىزۋگە مۇمكىنشىلىك بولادى»، – دەدى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دانيار الكەباي ۇلى.
كوپبالالى انانىڭ ەندىگى ماقساتى – كاسىبىن كەڭ كولەمدە دامىتۋ. مۇنان بولەك، الداعى ۋاقىتتا شاكىرت تاربيلەۋدى دە جوسپارلاپ وتىر.