الماتىدا ەپيدەميالىق ماۋسىم باستالعالى مەديسينا مەكەمەلەرىنە كەنە شاققان 1275 تۇرعىن جۇگىندى.
ونىڭ ىشىندە 619 -ى 14 جاسقا دەيىنگى بالالار، دەپ حابارايدى Almaty-akshamy.kz.
«شۇعىل مەديسينالىق كومەك بارلىعىنا دەر كەزىندە كورسەتىلىپ، بەلگىلەرى بويىنشا كەنەگە قارسى يممۋنوگلوبۋلين ەنگىزىلدى. جىل باسىنان بەرى كەنە ەنسەفاليتى تىركەلگەن جوق»، - دەيدى قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.
ەپيدەميولوگتىڭ ايتۋىنشا، كەنە ەنسەفاليتىنەن قورعانۋدىڭ ەڭ ءتيىمدى ءادىسى – كەنە ەنسەفاليتىنە قارسى ۆاكسيناسيا.
«كەنە شاعىپ العان جاعدايدا مۇمكىندىگىنشە ەرتەرەك (كەنە شاققاننان كەيىن 4 كۇننەن كەشىكتىرمەي) مەديسينالىق مەكەمەلەردىڭ كومەگىنە جۇگىنۋ كەرەك، وندا ولارعا بىلىكتى مەديسينالىق كومەك كورسەتىلىپ، كەنە ەنسەفاليتىنە قارسى يممۋنوگلوبۋلين سالىنادى»،- دەپ اتاپ ءوتتى دارىگەر.
كەنە ينفەكسيالارىنىڭ الدىن الۋ ماقساتىندا وسى جىلدىڭ 13ء-شى مامىرىنان باستاپ قالالىق ساياباقتار مەن سكۆەرلەردە وڭدەۋ جۇمىستارىنىڭ ەكىنشى كەزەڭى جۇرگىزىلىپ جاتىر.
وڭدەۋ جۇمىستارى الاتاۋ، المالى، اۋەزوۆ جانە جەتىسۋ اۋداندارىندا اياقتالدى.