ول وسى ۋاقىتقا دەيىن الماتىدا جالعان قۇجاتپەن ءومىر سۇرگەن.
ماڭعىستاۋ پوليسەيلەرى 12 جىل بويى ىزدەۋدە بولعان ايەلدى ۇستادى، دەپ حابارلايدى Almaty-akshamy.kz رolisia.kz سايتىنا سىلتەمە جاساپ.
ماڭعىستاۋ وبلىسى پوليسيا دەپارتامەنتىنىڭ كريمينالدىق پوليسيا باسقارماسىنىڭ قىزمەتكەرلەرى الماتى قالاسىندا كۇدىكتى ايەلدى ۇستاعان.
«54 جاستاعى ايەل، باتىس قازاقستان وبلىسىنىڭ تۋماسى، ق ر قك-نىڭ 190-بابى 3-بولىگىندە («الاياقتىق») كوزدەلگەن قىلمىس جاساعانى ءۇشىن 12 جىل بويى ىزدەۋدە بولدى. ول وسى ۋاقىتقا دەيىن الماتى قالاسىنىڭ اۋماعىندا جالعان قۇجاتتارمەن ءومىر سۇرگەن»، - دەلىنگەن پوليسيا حابارلاماسىندا.
ءتارتىپ ساقشىلارى ونى الماتى قالاسىنىڭ پد ۋاقىتشا ۇستاۋ يزولياتورىنا قاماۋعا الدى.