الماتىنىڭ سانيتارلىق دارىگەرلەرى وسى كۇزدە رەسپيراتورلىق اۋرۋلاردىڭ بەلەڭ العانىن اتاپ ءوتتى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ مالىمدەدى دەپ حابارلايدى almaty-akshamy.kz
ءسادۋاقاس بايعابىلوۆ الماتىلىقتاردى سانيتارلىق-ەپيدەميولوگيالىق قاۋىپسىزدىك شارالارىن ساقتاۋدى جالعاستىرۋعا شاقىردى، ويتكەنى شەكارالاس ەلدەردە COVID-19 جاعدايى ناشارلاۋدا. سونىمەن قاتار، كوروناۆيرۋس جرۆي رەتىندە ماسكيروۆكا جاساي الادى.
«الماتىدا ەپيدەميولوگيالىق جاعداي وپتيميستىك سەناريي بويىنشا دامىپ كەلە جاتقانىنا قاراماستان، جەكە قورعانىس قۇرالدارىن نازاردان تىس قالدىرماۋ كەرەك، قولدى ءجيى جۋۋ، انتيسەپتيكتەرمەن وڭدەۋ، قاشىقتىقتى ساقتاۋ، ءۇي-جايلاردى جەلدەتۋ قاجەت. ۆاكسيناسيا ءوزىڭىزدى قورعاۋعا كومەكتەسەدى. ءبىز «سارى ايماقتا»ەكەنىمىزدى ەستە ۇستاعان ءجون، بۇل كوروناۆيرۋسپەن كۇرەس شارالارىنىڭ ساقتالۋىن باقىلاۋدى كۇشەيتۋدى بىلدىرەدى»، - دەدى سەبد باسشىسىنىڭ ورىنباسارى.
سانيتارلىق دارىگەرلەردىڭ ايتۋىنشا، 1 قىركۇيەكتەن باستاپ ازاماتتار اراسىندا ءجرۆي-دىڭ 74 426 جاعدايى تىركەلگەن. وتكەن جىلى وسى كەزەڭدە بارلىعى 17 731 جاعداي بولدى. س. بايعابىلوۆ جرۆي ادامداردى كوروناۆيرۋسقا وسال ەتەتىنىن اتاپ ءوتتى.
ايتا كەتسەك، الماتىدا تۇماۋ تىركەلگەن جوق. وسى ۋاقىتتا قالادا كوروناۆيرۋسقا جانە تۇماۋعا قارسى بەلسەندى ۆاكسينالانۋ جالعاسۋدا. ءقازىردىڭ وزىندە 105 114 تۇرعىن تۇماۋعا قارسى ەكپە الدى، ولاردىڭ باسىم بولىگى بيۋدجەت قاراجاتى ەسەبىنەن ەگىلدى.
«كوروناۆيرۋسقا قارسى يممۋنداۋ ناۋقانى جالعاسۋدا. الماتىدا ۇجىمدىق يممۋنيتەتتىڭ دەڭگەيى 55،2%-دى قۇرايدى، ونىڭ ىشىندە ۆاكسيناسيالانعان ازاماتتاردىڭ 47،2%-ى جانە جىل باسىنان بەرى اۋىرىپ جازىلعان ادامداردىڭ 8%-ى. بىزگە سەنىمدى يممۋندىق قابات قالىپتاستىرىپ، حالىقتىڭ 80% ۆاكسيناسيالاۋ قاجەت»، - دەدى ءسادۋاقاس بايعابىلوۆ.
سەبد باسشىسىنىڭ ورىنباسارى ۆاكسيناسيالانباعان ازاماتتاردىڭ كوروناۆيرۋستى جۇقتىرۋ ءقاۋپى ءالى دە بار ەكەنىن ايتتى. مىسالى، ءبىر اپتا ىشىندە كۆي-مەن اۋىرعان 1033 ادامنىڭ 194ء-ى ەگىلگەن، قالعان 81%-ى ەگىلمەگەن.
ەپيدەميولوگتار كوبىنەسە ۆاكسيناسيادان جالتارعان ازاماتتار جۇقتىرادى دەپ سانايدى. تالداۋ كورسەتكەندەي، جۇقتىرعانداردىڭ 30% - دان استامى – ءوزىن-وزى جۇمىسپەن قامتىعاندار نەمەسە جۇمىسسىزدار، 20%-دان استامى – زەينەتكەرلەر، 19،5%-ى – كاسىپورىن قىزمەتكەرلەرى. جۇقتىرعان وقۋشىلار سانى 14% جانە مەكتەپ جاسىنا دەيىنگى بالالار – 6% قۇرايدى.
ايتا كەتسەك، وقۋشىلاردىڭ 94%-ى سىنىپتا ەمەس، ۇيدە ەرەسەك وتباسى مۇشەلەرىمەن بايلانىستا بولعان.
نەگىزگى جۇقتىرۋ ورىندارى بۇرىنعىسىنشا ساۋدا وبەكتىلەرى – 28%، قوعامدىق كولىك – 21،4%، وتباسىلارداعى بايلانىستار – 22،3% جانە بازارلار – 8% بولىپ قالۋدا.
ءسادۋاقاس بايعابىلوۆ ۆاكسينالانۋ ادامدى كوروناۆيرۋستىق ينفەكسيادان قورعاۋعا كەپىلدىك بەرە المايتىنىن، ءبىراق دەرتتىڭ جەڭىل تۇردە وتەتىنىن اتاپ ءوتتى. ۆاكسينالانۋ – دەنساۋلىقتى ساقتاۋدىڭ ءتيىمدى جول. ەسكە سالساق، الماتىلىقتار قالاداعى 137 ەگۋ پۋنكتىنىڭ ءبىرىن بارىپ، تەگىن ەكپە الا الادى.