«2 ملن تەڭگەنى يەمدەنىپ العان»: الماتىدا تۇرعىندى توناعان كۇدىكتى قولعا ءتۇستى
19 الماتى پوليسەيلەرى تۇرعىنعا شابۋىل جاساپ، بانك شوتىنان 2 ميلليون تەڭگە شەشىپ العان كۇدىكتىنى قولعا ءتۇسىردى، – دەپ حابارلايدى Polisia.kz. جەڭىل جولمەن اقشا تابۋدى ۇناتاتىن ازاماتتى قالانىڭ جەتىسۋ اۋدانىنىڭ پوليسەيلەرى ۇستادى.
«ق ر قك-نىڭ 191-بابى 3-بولىگىندە كوزدەلگەن – توناۋ، ياعني ءومىرى مەن دەنساۋلىعىنا ءقاۋىپتى ەمەس كۇش قولدانا وتىرىپ، بوتەننىڭ مۇلكىن اشىق ۇرلاۋ قىلمىسىن جاساعانى ءۇشىن الماتى وبلىسىنىڭ تۇرعىنى، د.ەسىمدى ازامات ۇستالدى. ءتۇن ورتاسىندا اينابۇلاق ىقشاماۋدانىندا جاس جىگىت ءوتىپ بارا جاتقان ادامدى كەزدەستىرگەنى بەلگىلى بولدى. جاس جىگىتتىڭ باسىندا بىردەن قىلمىستىق جوسپار پايدا بولدى: ول ءوتىپ بارا جاتقان ادامنىڭ باسىنان ۇرىپ، تەلەفونىن تارتىپ الدى. ودان ءارى بانكتەردىڭ ءبىرىنىڭ قوسىمشاسىنان قوماقتى سومانى كورىپ، ويلانباستان ەسەپشوتتان 2 ميلليون تەڭگەگە جۋىق اقشانى شەشىپ العان. كۇدىكتى جەدەل تۇردە ۇستالدى. ول ۇرلىق جاساعانىن مويىندادى. ءقازىر كۇدىكتىنىڭ جەكە باسى بۇرىن جاسالعان قىلمىستارعا قاتىسى بار-جوعىنا تەكسەرىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
سونىمەن قاتار پوليسيادا ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيتىنىن ەسكە سالدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.