جول ورتاسىندا سالتو جاساعان الماتىلىق ەكىنشى رەت جاۋاپقا تارتىلدى
الماتى كوشەلەرىنىڭ بىرىندە جاس جىگىت ءقاۋىپتى تريۋك جاسادى. ول جولدىڭ ءبىر بەتىنەن ەكىنشى بەتىنە سالتو جاساپ ءوتتى، دەپ حابارلايدى Almaty-akshamy.kz
ونىڭ ۆيدەوسىن الماتى قالالىق پد باسشىسىنىڭ ورىنباسارى رۇستەم ءابدىراحمانوۆ ءوزىنىڭ Instagram-داعى پاراقشاسىندا جاريالادى.
ايتا كەتەيىك، بۇعان دەيىن ۆيدەوداعى جاس جىگىت ق ر اكىمشىلىك قۇقىق بۇزۋشىلىق تۋرالى كودەكستىڭ 590-بابى 2-بولىگى (مەملەكەتتiك تiركەۋ ءنومiرi بەلگiلەرi جوق نەمەسە پايدالانۋعا تىيىم سالىنعاننان كەيiن نەمەسە بەلگiلەنگەن ءتارتiپپەن تiركەلمەگەن كولiكتى باسقارۋ) جانە 593-باپتىڭ 2-بولىگى (قاۋiپسiزدiك بەلدىكتەرiن نەمەسە موتوشلەمدەردi پايدالانۋ قاعيدالارىن ساقتاماۋ) بويىنشا اكىمشىلىك جاۋاپقا تارتىلعان بولاتىن.
«بۇل جولى جولاۋشى ورنىندا وتىرعان ول كوشە قيىلىسىندا توقتاپ تۇرعان كولىكتەن اتىپ شىعىپ، جولدىڭ ءبىر بەتىنەن ەكىنشى بەتىنە سالتو جاساپ ءوتتى. كەيىن جولدان قايتا ءوتىپ، كولىككە ورالدى. الماتىلىق ەكىنشى رەت جول ەرەجەسىن بۇزعانى ءۇشىن اقبتك 615-بابىنىڭ 1-بولىگى بويىنشا اكىمشىلىك جاۋاپقا تارتىلدى»، - دەپ جازدى رۇستەم ءابدىراحمانوۆ.