سولتۇستىك قازاقستان وبلىسىنىڭ پوليسياسىنا الماتى قالاسىندا تۇراتىن ايەل حابارلاسىپ، قارت اتا-اناسىن ىزدەۋگە كومەكتەسۋدى سۇراعان.
سقو-دا تۇراتىن اتا-اناسى ونىڭ قوڭىراۋلارىنا ءبىر تاۋلىك بويى جاۋاپ بەرمەگەن. ولار جيدەك پەن ساڭىراۋقۇلاق تەرۋ ءۇشىن ورمانعا كەتۋى مۇمكىن دەگەن وي كەلگەن. تۋىستارعا حابارلاسۋدان دا ەشتەڭە شىقپاعان. سقو پد كريمينالدىق پوليسيا باسقارماسىنىڭ جەدەل ۋاكىلدەرى ەرلى-زايىپتىلار مىنگەن اۆتوكولىكتىڭ قىزىلجار اۋدانىنىڭ ياكور اۋىلى باعىتىندا كەتكەنىن انىقتادى، دەپ حابارلايدى aqshamnews.kz Polisia.kz-كە سىلتەمە جاساپ.
ىزدەۋ جۇمىستارىنا اۋداندىق، قالالىق جەدەل ۋاكىلدەر، ۋچاسكەلىك پوليسيا ينسپەكتورلارى مەن ەرىكتىلەر دە قوسىلدى. قۋانىشقا وراي، سوكولوۆكا اۋىلىندا اتا-اناسىنىڭ تانىستارى تۇراتىن بولىپ شىقتى. ولار الماتىلىق ايەلدىڭ اتا-اناسى رەسەيدىڭ كورشى يشيم قالاسىنا كەتكەنىن ايتتى. بۇنى شەكارا قىزمەتىنىڭ قىزمەتكەرلەرى راستادى. بۇل تۋرالى بىردەن قىزدارىنا حابارلاندى. ول قۋانىشتان پوليسەيلەرگە العىسىن جاۋدىردى.