سانيتارلىق-ەپيدەميولوگيالىق احۋالدى تۇراقتاندىرۋ، ءولىم-جىتىمدى ازايتۋ جانە ۆاكسينالانۋ قارقىنى ماسەلەلەرى كۆي تارالۋىنىڭ الدىن الۋ جونىندەگى جەدەل شتابتىڭ كەزەكتى وتىرىسىندا قارالدى. كەڭەس قالا اكىمى باقىتجان ساعىنتايەۆتىڭ توراعالىعىمەن ءوتتى، دەپ حابارلايدى almaty-akshamy.kz
احۋالدىڭ تۇراقتانۋىنا جانە وپتيميستىك بولجام بويىنشا دامۋعا قاراماستان، ەپيدەميولوگتار ىقتيمال ناشارلاۋ تۋرالى ەسكەرتەدى. بۇعان ەۋروپا مەن رەسەيدەگى ەپيدەميولوگيالىق احۋالدىڭ ءورشي ءتۇسۋى، ۆاكسينالانۋ قارقىنىنىڭ تومەندەۋى ىقپال ەتۋى مۇمكىن. ىندەتتىڭ جاڭا تولقىنىنىڭ ءقاۋپىن ازايتۋ ءۇشىن الماتىلىقتارعا ەپيدەميولوگيالىق تالاپتاردى ساقتاۋ جانە ۆاكسينالانۋ قاجەت. كۆي ۆاكسياناسى ەكپە سالۋعا جاتاتىن قالا تۇرعىندارىنىڭ جالپى سانىنىڭ كەمىندە 80%-ى الۋى ءتيىس.
ناۋقاستاردىڭ جاس قۇرامىن سالىستىرمالى تالداۋ كەزىندە اپتا ىشىندە دەرت جۇقتىرعانداردىڭ 77%-ى ۆاكسينالانباعان 20 جاستان اسقان ازاماتتار. 14 جاسقا دەيىنگى بالالار اراسىندا جۇقتىرعاندار سانى 2،2%-عا، 40-59 جاستاعى ادامدار اراسىندا 1،4%-عا وسكەنى بايقالادى.
سىرقاتتانۋشىلاردىڭ 85%-ى ينفەكسيانى ساۋدا وبەكتىلەرىندە - 28%، قوعامدىق كولىك - 21،4%، وتباسىلارداعى بايلانىستار - 22،3% جانە بازارلار - 8% جۇقتىرعان. ۇيدە ينفەكسيا جۇقتىرۋ4،4%-عا ءوستى. دەرت تۋىستارمەن، كورشىلەرمەن جانە تانىستارمەن بايلانىس كەزىندە، سونداي-اق وتباسىلىق ءىس-شارالاردى مەرەكەلەۋ سانىنىڭ وسۋىنە وراي تارالۋدا.
بەلگىلەنگەن كارانتيندىك شەكتەۋلەردىڭ ساقتالۋىن قامتاماسىز ەتۋ بويىنشا مونيتورينگتىك توپتاردىڭ جۇمىسى جالعاسۋدا. 25-31 قازان ارالىعىندا كاسىپكەرلىك نىساندارىندا 19 جانە قوعامدىق كولىكتەردە ماسكا رەجيمى ساقتالماعان 23 بۇزۋشىلىق انىقتالدى.
ايتا كەتەرلىگى، دۇيسەنبىدەن باستاپ الماتىدا «سارى» ايماقتىڭ تالاپتارى قولدانىلادى. Ashyq جوباسىنا قاتىسۋشىلاردىڭ جۇمىس ۇزاقتىعى 1 ساعاتقا، جوبا جەتەكشىلەرىنىڭ جۇمىس ۋاقىتى تۇنگى ساعات 3-كە دەيىن ۇزارتىلدى. بارلىق نىساندار باس مەملەكەتتىك سانيتارلىق دارىگەردىڭ قاۋلىسىنا سايكەس «سارى» ايماق رەجيمى بويىنشا جۇمىس ىستەيدى. سونىمەن قاتار، وتكەن اپتادا Ashyq جوباسى بويىنشا وقشاۋلاۋ رەجيمىن بۇزعان 100 قالا تۇرعىنىندا «قىزىل» مارتەبە انىقتالدى. كوبىنەسە بۇزۋشىلىقتار سوو-دا، دۇكەندەردە جانە تاماقتانۋ وبەكتىلەرىندە ورىن الۋدا.
بۇگىنگى كۇنى ينفەكسيالىق ستاسيونارلاردا 1 039 ادام، ونىڭ ىشىندە 35 بالا بار. رەانيماسيا جانە قارقىندى تەراپيا بولىمشەلەرىندە 93 پاسيەنت ەمدەلۋدە. ءموبيلدى مەديسينالىق بريگادالار مەن تەلەمەديسينا ورتالىعىنىڭ باقىلاۋىنا 2 124 پاسيەنت الىنعان.
كەڭەس بارىسىندا Biontech جانە Pfizer بىرلەسىپ ازىرلەگەن «كوميرناتي» پرەپاراتىمەن ۆاكسينالاۋعا دايىندىق ماسەلەلەرى قارالدى. پرەپاراتتىڭ جەتكىزىلۋى وسى ايعا جوسپارلانعان.
الماتى اكىمدىگى قالا تۇرعىندارىنان دەنساۋلىقتارىن ساقتاۋ ءۇشىن ۆاكسينالانۋدى وتىنەدى. ۆاكسينالانۋ ەپيدەميولوگيالىق احۋالدى تۇراقتاندىرۋعا، قالا ءومىرىن قالىپتى جاعدايعا قايتارۋعا، شەكتەۋ شارالارىنىڭ الىنۋىنا مۇمكىندىك بەرەدى. بۇل يگى شارالاردىڭ ىسكە اسۋى ءار الماتىلىققا قاتىستى، سوندىقتان ۋاقىتتى جوعالتپاي، كوروناۆيرۋسقا قارسى ەكپە سالدىرىڭىز، تۋىستارىڭىز بەن دوستارىڭىزدى وزىڭىزدەن ۇلگى الۋعا شاقىرىڭىز. قالادا كۇن سايىن 137 ۆاكسينالاۋ پۋنكتى جۇمىس ىستەيدى.