رەسۋرستاردى ۇنەمدەۋ جانە بولاشاق ۇرپاقتىڭ ءومىرىن قامتاماسىز ەتۋ مادەنيەتىن جاقسارتۋعا كومەكتەسەدى.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى اسەل بودەنەيەۆا مالىمدەدى، دەپ حابارلايدى Almaty-akshamy.kz
2024 جىلى قازاقستاندا كوممۋنالدىق رەسۋرستاردى تۇتىنۋدىڭ الەۋمەتتىك نورمالارىن ەنگىزۋ جوسپارلانۋدا. باستاما نەگىزگى كوممۋنالدىق قىزمەتكە قاتىستى: سۋمەن جابدىقتاۋ جانە جىلۋمەن جابدىقتاۋ.
وكق سپيكەرى سۋ رەسۋرستارىن تۇتىنۋ مادەنيەتىن ارتتىرۋ جانە تۇتىنۋشىلاردى سۋدى جانە جىلۋدى ۇنەمدەۋگە ىنتالاندىرۋ ماقساتىندا، تابيعي مونوپوليالار تۋرالى زاڭناماعا سۋمەن جابدىقتاۋ جانە جىلۋمەن جابدىقتاۋ قىزمەتتەرىن تۇتىنۋ كولەمىنە بايلانىستى جوعارى تاريفتەردى بەلگىلەۋگە باعىتتالعان جەكە تۇلعالار (حالىق) تۇتىنۋشىلار توپتارى ءۇشىن «تۇتىنۋدىڭ الەۋمەتتىك نورمالارىن» ەنگىزۋ بولىگىندە «نەعۇرلىم كوپ ۇنەمدەسەڭىز، سوعۇرلىم از تولەيسىز» قاعيداتى بويىنشا وزگەرىستەر ەنگىزىلگەنىن اتاپ ءوتتى.
«كوممۋنالدىق مەنشىك سالاسىنداعى تابيعي مونوپوليالار سۋبەكتىلەرىنىڭ قوسىمشا العان تابىسى تكش سالاسىنداعى باسىم مىندەتتەردى شەشۋگە، ونىڭ ىشىندە رەسۋرس ۇنەمدەۋ تەحنولوگيالارىن ەنگىزۋگە، جوندەۋ جۇمىستارىن جۇرگىزۋگە، پريبورلاۋعا جانە ت.ب. باعىتتالاتىن بولادى»، - دەدى اسەل بودەنەيەۆا.
سۋمەن جابدىقتاۋ سالاسىندا تۇتىنۋ ليميتىنە بايلانىستى ءتورت دەڭگەيلى ءتاريفتى قولدانۋ كوزدەلگەن، مۇندا ەكونوميكالىق شىعىندار كەلەسىدەي بولىنگەن:
1 توپ – 3 تەكشە مەترگە دەيىن تۇتىنۋشىلارعا قولدانىستاعى تاريف؛
2 توپ – 3-تەن 5 تەكشە مەترگە دەيىن تۇتىنۋشىلارعا تاريف قولدانىستاعى تاريفتەن 20% - عا جوعارى بولادى؛
3 توپ – 5-10 تەكشە مەترگە تاريف 50 %-عا جوعارى؛
4 توپ – 10 تەكشە مەتردەن اساتىن بولسا ەكى ەسەلەنگەن تاريف قولدانىلادى.
جىلۋمەن جابدىقتاۋ سالاسىندا تاريفتەردى سارالاۋ ءبىر ابونەنتكە شاققانداعى تۇرعىن ءۇي الاڭىنىڭ شاماسى بويىنشا جۇزەگە اسىرىلادى.
1 توپ – 100 ش. م. دەيىن بەكىتىلگەن تاريف؛
2 توپ – 100-دەن 200 ش. م. دەيىن تاريف بەكىتىلگەننەن 10% - عا جوعارى؛
3 توپ – 200 ش.م. استام ورتاشا ەڭبەك ءتاريفىن قولداناتىن بولادى.
«تۇتىنۋدىڭ الەۋمەتتىك نورمالارىن ەنگىزۋ قوسىمشا تابىستىڭ ماقساتتى پايدالانىلۋىن باقىلاۋمەن سۇيەمەلدەنەتىن بولادى»، – دەپ ءتۇسىندىردى ءا. بودەنەيەۆا.