الماتى تۇرعىندارى «تاعزىم» مەموريالىنا گۇل شوقتارىن قويدى

قالا تۇرعىندارى قاڭتار وقيعاسى كەزىندە قازا تاپقانداردى ەسكە الىپ، «تاعزىم» مەموريالىنىڭ ستەللاسىنا گۇل شوقتارىن قويدى.

سالتاناتتى راسىمگە قالا باسشىسى، قوعام قايراتكەرلەرى جانە ت.ب. قاتىستى. ءدىن قىزمەتكەرلەرى مارقۇمداردىڭ رۋحىنا قۇران باعىشتاپ، بەيبىتشىلىك پەن كەلىسىمنىڭ ماڭىزى تۋرالى ۋاعىز ايتتى. جينالعاندارعا مەشىتتەردەگى اسقا بارۋ ءۇشىن كولىك دايىندالدى. بۇگىن قالا مەشىتتەرىندە قۇرباندىق شالىنىپ جاتىر، دەپ حابارلايدى Almaty-akshamy.kz.

ايتا كەتەيىك، بۇعان دەيىن الماتى اكىمى ەربولات دوسايەۆ، قوعام قايراتكەرلەرى مەن شىعارماشىلىق زيالى قاۋىم وكىلدەرى قاڭتار وقيعاسى كەزىندە قازا تاپقانداردى ەسكە الۋ ءۇشىن الماتىنىڭ ورتالىق مەشىتىندە قۇران باعىشتاپ، قۇربان شالعان بولاتىن.

مەشىتكە كەلگەندەردىڭ اراسىندا ق ر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ، جازۋشى، ق ر مەملەكەتتىك سىيلىعىنىڭ لاۋرەاتى نۇرلان ورازالين، «تۇران» ۋنيۆەرسيتەتىنىڭ رەكتورى راحمان الشانوۆ، «انا ءتىلى» گازەتىنىڭ باس رەداكتورى قالي سارسەنباي، تۇركى مەملەكەتتەرى ۇيىمى اقساقالدار كەڭەسىنىڭ مۇشەسى يكرام ادىربەكوۆ، «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ الماتى قالالىق فيليالىنىڭ ءتوراعاسى اقان بيجانوۆ، «جۇلدىز» جۋرنالىنىڭ باس رەداكتورى مەرەكە قۇلكەنوۆ، قازاقستان جازۋشىلار وداعى ءتوراعاسىنىڭ ورىنباسارى ەلگەزەك اقبەرەن، سپورتشى ارداق نازاروۆ جانە ت.ب. بار.