الماتى اكىمى ەربولات دوسايەۆ 8 ناۋرىز – حالىقارالىق ايەلدەر كۇنى قارساڭىندا مەملەكەت باسشىسىنىڭ اتىنان مەملەكەتتىك ناگرادالاردى سالتاناتتى تۇردە تابىس ەتتى، دەپ حابارلايدى aqshamnews.kz
ماراپاتتالعاندار تىزىمىندە — ەڭبەگىمەن، ەرەن ىسىمەن قالا مەن ەلدىڭ دامۋىنا ۇلەس قوساتىن الماتىنىڭ ايەل تۇرعىندارى بار.
پرەزيدەنتتىڭ جارلىعىمەن ءبىلىم بەرۋ جۇيەسىن دامىتۋعا قوسقان ەلەۋلى ۇلەسى ءۇشىن «قۇرمەت» وردەنىمەن ەڭبەك ارداگەرى زايدا جايسانوۆا ماراپاتتالدى. ونىڭ كاسىبي قىزمەتى قازاق مەكتەپتەرىن دارىپتەۋمەن، نەمىس ءتىلىن وقىتۋ ادىستەمەسىن جەتىلدىرۋمەن جانە ءبىلىم بەرۋ سالاسىنداعى حالىقارالىق ىنتىماقتاستىقتى نىعايتۋمەن بايلانىستى.
سپورتتى دامىتۋعا قوسقان ۇلەسى ءۇشىن «قۇرمەت» وردەنىمەن ەڭبەك ارداگەرى تاتيانا لەسوۆا دا ماراپاتتالدى. ول جەڭىل اتلەتيكادان كسرو-نىڭ ەڭبەك سىڭىرگەن سپورت شەبەرى، جوعارى بىلىكتىلىك ساناتىنداعى جاتتىقتىرۋشى، كسرو چەمپيونى جانە وليمپيادا ويىندارىنىڭ جۇلدەگەرى.
مەملەكەت باسشىسى بيىل جاريالاعان جۇمىسشى ماماندىقتار جىلى «ەرەن ەڭبەگى ءۇشىن» مەدالىمەن «الماتجىلۋكوممۋنەنەرگو» ج ش س قازاندىق شارۋاشىلىعىن پايدالانۋ اۋدانى №6 ۋچاسكەسىنىڭ حيميالىق سۋ تازارتۋ اپپاراتشىسى ولگا دروفا ماراپاتتالدى. ول كاسىپورىندا 1996 جىلدىڭ قاراشا ايىنان باستاپ جۇمىس ىستەيدى جانە ءوزىنىڭ ەڭبەك جولىن بۇگىنگى كۇنگە دەيىن جالعاستىرۋدا.
«ەرەن ەڭبەگى ءۇشىن» مەدالىمەن «ALMATY MAI» ج ش س شيكىزاتتى قابىلداۋ جانە شروتتى تۇيىرشىكتەۋ سەحىنىڭ باستىعى يرينا حاسانوۆا ماراپاتتالدى.
1997 جىلدان باستاپ «ءۇمىت» ساڭىراۋ مۇگەدەكتەردى قولداۋ ورتالىق» قوعامدىق قورىن باسقاۋشى امانبيكە ەرعالييەۆا «شاپاعات» مەدالىمەن ماراپاتتالدى. ونىڭ الەۋمەتتىك سالاداعى جۇمىس ءوتىلى 30 جىلدان اسادى.
