الماتى تراگەدياسى تۋرالى الەۋمەتتىك روليك شىقتى

اۆتورلار بيلىك پەن حالىقتى ادامگەرشىلىككە شاقىرۋدى كوزدەيدى

قازبەك رۇستەمبەكوۆ پەن ەلامان شاۋبانوۆ اتتى ەلوردالىق جاس رەجيسسەرلەر الماتىداعى قاڭتار وقيعاسى تۋرالى الەۋمەتتىك روليك ءتۇسىردى، دەپ حابارلايدى Almaty-akshamy.kz Elorda.info-عا سىلتەمە جاساپ. 

روليكتى تولىق ءتۇسىرىپ، جاساپ شىعۋعا ءۇش اپتاداي ۋاقىت كەتكەن. ديرەكتورلار ۇسىنىسىنا بۇكىل ۇجىم بىردەن ءۇن قوسىپ، تەگىن جۇمىس ىستەۋگە كەلىستى. قازبەك رۇستەمبەكوۆ بەينەروليكتىڭ نەگىزگى يدەياسى بيلىك پەن حالىقتى ادامگەرشىلىككە شاقىرۋ ەكەنىن ايتتى. روليك پوليسيا قىزمەتكەرىنىڭ پريزماسى ارقىلى كورسەتىلگەن وقيعاعا نەگىزدەلگەن.

«ءبىز، جاس كينورەجيسسەرلار، وقيعانىڭ اۋىرتپالىعىن تۇسىنەمىز. بۇدان كەيىن جاڭا قوعامنىڭ قانداي بولاتىنى ءارقايسىمىزعا بايلانىستى. ءدال قازىرگى ساتتە قۇقىق قورعاۋ قىزمەتكەرلەرىنىڭ ادىلەتتىلىك تانىتۋى جانە حالىقتىڭ ادامگەرشىلىك قاسيەتتەرىن جوعالتپاۋى ماڭىزدى»، - دەدى اۆتورلاردىڭ ءبىرى.

ءفيلمدى ءتۇسىرۋ بيۋدجەتىن كراۋدفاندينگ ارقىلى قامقور ازاماتتار جيناپ بەرگەن. ناتيجەسىندە قىسقا مەرزىمدە 465 مىڭ جينالعان. كومەك كورسەتكەن ازاماتتاردى اۆتورلار ۆيدەونىڭ تيترىندا كورسەتكەن.

«ەلوردانىڭ ۇزدىك ماماندارى تۇسىرىلىمگە كومەكتەسۋگە كەلىستى. 40 ادام تەگىن جۇمىس ىستەدى. بۇل مەملەكەتتىك تاپسىرىس ەمەس، ءبارىن ءوز ىنتا-جىگەرىمىزبەن جاسادىق. قارجىلىق جاعىنان ءۇن قاتىپ، تۇسىرىلىمگە كومەكتەسكەندەردىڭ بارلىعىنا العىس ايتامىن»، - دەدى رۇستەمبەكوۆ.